- Басты бет
- Тағайындаулар
- Президент Қазақстанның Катар, Венгрия, Сербия және Бангладештегі елшілерін тағайындады
Президент Қазақстанның Катар, Венгрия, Сербия және Бангладештегі елшілерін тағайындады
Мемлекет басшысы дипломатиялық корпуста бірқатар кадрлық тағайындаулар жасады
Мемлекет басшысының дипломатиялық корпустағы жаңа кадрлық тағайындаулары туралы Ақорданың баспасөз қызметі хабарлады, деп хабарлайды Kapital.kz іскерлік ақпарат орталығы.
Мемлекет басшысының жарлықтарымен:
Батыршаев Бақыт Данабекұлы Қазақстан Республикасының Катар Мемлекетіндегі Төтенше және өкілетті елшісі болып тағайындалды.
Бақытбекқызы Әнел Қазақстан Республикасының Венгриядағы Төтенше және өкілетті елшісі болып тағайындалды.
Иманбаев Болат Бариевич Қазақстан Республикасының Сербия Республикасындағы Төтенше және өкілетті елшісі болып тағайындалды. Сонымен қатар ол Қазақстан Республикасының Армения Республикасындағы Төтенше және өкілетті елшісі қызметінен босатылды.
Қазақстан Республикасының Үндістан Республикасындағы Төтенше және өкілетті елшісі Есқараев Азамат Несіпбайұлы қоса атқару тәртібімен Қазақстан Республикасының Бангладеш Халық Республикасындағы, Бутан Корольдігіндегі, Мальдив Республикасындағы және Непалдағы Төтенше және өкілетті елшісі болып тағайындалды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
