IGTIC: Орталық Азияда – жасыл экономика көшбасшысы болу үшін қажеттінің бәрі бар
Самарқандтағы халықаралық алаңда өңірдің жасыл трансформациясына инвестиция тарту жолдары талқыланды
Орталық Азияда жасыл экономика көшбасшысы болу үшін қажеттінің бәрі бар. Бұл жөнінде «Халықаралық жасыл технологиялар және инвестициялық жобалар орталығы» КЕАҚ (IGTIC) Басқарма төрағасы Сәкен Қалқаманов Самарқан қаласында өткен ECO EXPO Central Asia 2026 халықаралық көрмесі аясында ұйымдастырылған БҰҰ Өнеркәсіпті дамыту ұйымының (UNIDO) «Орталық Азияда және одан тыс жерлерде жасыл өнеркәсіптік трансформация үшін инвестиция-лар мен әріптестіктерді жұмылдыру» атты тақырыптық іс-шара барысында мәлімдеді.
«Мен Орталық Азияда барлық қажетті ресурстар – дарынды кәсіпкерлер де, озық технологи-ялар бар деп сенімді түрде айтамын. Біздің міндетіміз – осы мүмкіндіктерді біріктіріп, мықты серіктестіктер құру және жасыл шешімдердің ауқымын кеңейтуге жағдай жасау. Бүгін мәселе тех-нологиялардың бар-жоғында емес - олар бар. Мәселе күш-жігерді барынша жылдам біріктіріп, қаржыландыруды жұмылдыру керек», - деп атап өтті Сәкен Қалқаманов.
Іс-шарада халықаралық ұйымдардың, қаржы институттарының, мемлекеттік органдардың және сараптамалық қауымдастықтың өкілдері тұрақты дамуға инвестиция тарту тетіктерін және Орталық Азияның жасыл өнеркәсіптік трансформациясын жеделдету мәселелерін талқылау үшін бас қосты.
Өз сөзінде IGTIC басшысы Қазақстан жасыл технологиялар мен климаттық инновацияларды қолдау экожүйесін дәйекті түрде қалыптастырып жатқанын атап өтті. Осындай жұмыстың табы-сты мысалдарының бірі ретінде Таза технологиялар саласындағы жаһандық инновациялар бағдар-ламасының (GCIP) іске асырылуы, сондай-ақ Астанадағы RES 2026 EXPO көрмесі аясында Орталық Азиядағы алғашқы жасыл акселерацияның іске қосылуы атап өтілді.
Талқылауға қатысушылар халықаралық климаттық қаржыландыруды ұлттық ресурстармен және жеке инвестициялармен ұштастыру мәселелерін, Өңірлік жасыл өнеркәсіптік технологиялар хабын құру перспективаларын, инвестициялық тәуекелдерді азайту құралдарын және мемлекеттік-жекеменшік әріптестік тетіктерін талқылады.
COP31 қарсаңында бірлескен өңірлік жобаларды әзірлеуге, трансшекаралық ынтымақта-стықты дамытуға және халықаралық климаттық қаржыландыру тарту мүмкіндіктерін кеңейтуге баса назар аударылды.
Іс-шараға IGTIC-тің қатысуы Қазақстанның жасыл технологияларды, климаттық инновация-ларды және тұрақты даму саласындағы халықаралық ынтымақтастықты ілгерілетуде өңірлік көш-басшылардың бірі ретіндегі рөлін растайды.
Іс-шара Жаһандық экологиялық қордың (GEF) 8-ші Ассамблеясы аясында өтті және Орталық Азияның орнықты болашағы үшін мемлекеттік құрылымдар, халықаралық ұйымдар мен бизнес арасындағы серіктестіктерді нығайтуға арналған маңызды алаңға айналды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
