Қазақ видеографы әлемнің үздік тревел-блогері атанды
Дастан Мұхамедрахымға WIBA Awards 2026 халықаралық сыйлығы Канн қаласында табысталды
Дастан Мұхамедрахим Instagram парақшасында WIBA Awards 2026 халықаралық сыйлығында жеңіске жеткенін хабарлады. Ол «Best travel blogger 2026» («Әлемнің үздік тревел-блогері») номинациясы бойынша марапат иегері атанды, деп хабарлайды Kapital.kz іскерлік ақпарат орталығының тілшісі.
Марапаттау рәсімі Канн қаласында өтті.
«Канн қаласында «2026 жылдың үздік тревел-блогері» сыйлығы табысталды! Аллаға шүкір!» – деп жазды ол әлеуметтік желіде.
Видеограф Дастан Мұхамедрахим саяхаттар, елдер мен мәдениеттер туралы контенті және видеожұмыстарымен танымал. Оның видеолары миллиондаған қаралым жинап, түрлі елдердегі аудиторияны қамтиды.
WIBA Awards – медиа, саяхат, сән және креативті индустрия салаларында әлемдік аудиторияға ықпал ететін цифрлық контент авторлары, блогерлер мен инфлюенсерлерді жыл сайын марапаттайтын халықаралық сыйлық.
Бұған дейін Алматы қаласы Оңтүстік Кореядағы ең рейтингі жоғары тележобалардың бірі – SBS арнасының «Менің кішкентай бойдақ жігітім» шоуының түсірілім алаңына айналғаны хабарланған болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
