Түркістан облысында мемлекеттік резервті сақтау базасы салынуда
Арнайы сақтау шарттарын қажет ететін ресурстарға арналған қоймалар қарастырылған
Түркістан облысында «Резерв» РМК-ның «Заря» филиалы аумағында мемлекеттік материалдық резервті сақтау базасының құрылысы басталды. Капсула салу рәсіміне ҚР Төтенше жағдайлар министрі Шыңғыс Әрінов қатысты, деп хабарлайды ТЖМ баспасөз қызметі.
Филиал Арыс қаласында орналасқан және мемлекеттік материалдық резерв нысандарын орналастыруға қажетті көлік инфрақұрылымымен қамтамасыз етілген.
«Жоба аясында заманауи қойма ғимараттарын, әкімшілік-тұрмыстық корпусты, өрт сөндіру депосын және ілеспе инженерлік инфрақұрылымды салу көзделген. Нысандардың бір бөлігі арнайы сақтау шарттарын қажет ететін материалдық ресурстарды сақтауға арналған. Қазіргі таңда негізгі инженерлік іздестіру және дайындық жұмыстары аяқталды. Жобаны іске асыру материалдық ресурстарды сақтау мүмкіндігін кеңейтіп, мемлекеттік материалдық резерв жүйесінің тұрақтылығын арттыруға мүмкіндік береді», – делінген ТЖМ хабарламасында.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
