Иранның сақшылар корпусы Ормуз бұғазы арқылы танкерлердің қозғалысын тоқтатуы мүмкін
Әскери құрылым өңірден «бір тамшы да мұнай шығаруға жол бермейміз» деп мәлімдеді
Иранның Ислам революциясы сақшылары корпусының басшылығы Ормуз бұғазы арқылы мұнай танкерлерінің қозғалысын толық тоқтатуға дайын екенін мәлімдеді, деп хабарлайды ЭФЭ агенттігіне сілтеме жасаған Интерфакс-Қазақстан.
«Ормуз бұғазы арқылы өтуге әрекет жасаған кез келген кемені өртейміз», – деп атап өтті корпустың бригадалық генералы Эбрахим Джабари.
Оның айтуынша, сақшылар корпусы «өңірден бір тамшы да мұнай шығаруға жол бермейді».
Еске сала кетейік, 28 ақпанда Израиль және АҚШ Иран аумағына Ислам Республикасының ядролық бағдарламасын жою мақсатында соққы жасаған. Бұған жауап ретінде Иран тарапы Израильге және Таяу Шығыстағы бірқатар елдерге, атап айтқанда БАӘ, Сауд Арабиясы, Катар, Бахрейн, Кувейтке соққы жасаған.
Жексенбі, 1 наурыз күні иран тарапы елдің көшбасшысы, аятолла Әли Хаменеи қаза тапқанын растады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
