Президент Қызылорда облысының әкімін тағайындады
Енді өңірді Мұрат Ергешбаев басқарады
Мемлекет басшысының Жарлығымен Мұрат Нәлқожаұлы Ергешбаев Қызылорда облысының әкімі болып тағайындалды, деп хабарлайды Kapital.kz іскерлік ақпарат орталығы Ақорданың баспасөз қызметіне сілтеме жасап.
Мұрат Нәлқожаұлы Ергешбаев 1966 жылы 12 сәуірде Қызылорда қаласында дүниеге келген.
Білімі:
• Алматы халық шаруашылығы институты;
• Қазақстан Республикасы Президенті жанындағы Ұлттық жоғары мемлекеттік басқару мектебі.
Еңбек өтілі:
• Кеңшар экономисі (1989-1990);
• Сырдария агроөнеркәсіп бірлестігінің жоспарлау-экономикалық бөлімінің бастығы (1990-1993);
• «Alem Bank Kazakhstan» АБ Қызылорда облыстық басқармасының маманы, несие бөлімінің бастығы, басқарма бастығының орынбасары (1993-1996);
• Қызылорда облысы әкімі орынбасарының кеңесшісі (1996-1998);
• «Қазақстан Халық банкі» АҚ Қызылорда облыстық филиалының директоры (1998-2001);
• Қызылорда облыстық еңбек, жұмыспен қамту және халықты әлеуметтік қорғау басқармасы бастығының орынбасары (2002-2004);
• Қызылорда қаласы әкімі аппаратының қаржы бөлімінің бастығы (2004-2006);
• Қазақстан Республикасы Төтенше жағдайлар министрлігінің «Өрт сөндіруші» АҚ экономика және қаржы жөніндегі вице-президенті (2006-2008);
• Қызылорда қаласының әкімі (06.2008-06.2010);
• Қызылорда облысының қаржы басқармасының бастығы (06.2010-05.2011);
• Қызылорда облысы Қармақшы ауданының әкімі (05.2011-02.2013);
• Қызылорда облысы Шиелі ауданының әкімі (02.2013-03.2015);
• «ҚазАгроӨнім» АҚ аппарат басшысының басқарушы директоры (03.2015-06.2017);
• Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы (06.2017-10.2017);
• Қызылорда облысы Қазалы ауданының әкімі (10.2017-05.2021);
• Қызылорда облысы Сырдария ауданының әкімі (05.2021-28.03.2023).
Сайланбалы қызметтері, депутаттығы:
• «AMANAT» партиясы» ҚБ партиялық тізімі бойынша ҚР Парламенті Мәжілісінің депутаттығына кандидат (15.02.2023), «AMANAT» партиясы» ҚБ партиялық тізімі бойынша VIII сайланған ҚР Парламенті Мәжілісінің депутаты (28.03.2023 - 08.05.2026).
Мемлекеттік және халықаралық наградалары, сыйлықтары, құрметті атақтары:
• «Құрмет» ордені (2011).
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
