• Басты бет
• Государство
• Қазақстанда музыкалық аспаптарды ұшақ салонында тасымалдауға рұқсат беріледі

Қазақстанда музыкалық аспаптарды ұшақ салонында тасымалдауға рұқсат беріледі

Өлшемдері сәйкес келген жағдайда домбыра, қобыз бен басқа да аспаптарды қол жүгіне алуға болады

Қазақстанда жолаушылардың музыкалық аспаптарды ұшақ салонында қол жүгі ретінде тасымалдау құқығын бекіту жоспарлануда, деп хабарлайды Азаматтық авиация комитетінің баспасөз қызметіне сілтеме жасаған Kapital.kz іскерлік ақпарат орталығының тілшісі.

Көлік министрлігі 2015 жылғы 30 сәуірдегі № 540 «Әуе көлігімен жолаушыларды, багажды және жүктерді тасымалдау қағидаларын бекіту туралы» бұйрыққа өзгерістер енгізіп эатыр.

«Азаматтардың көптеген өтініштеріне сүйене отырып, алғаш рет нормативтік деңгейде жолаушылардың әуе кемесінің салонында футлярдағы музыкалық аспаптарды, соның ішінде өлшемдері мен салмағы 110×35×30 см және 10 кг-нан аспайтын домбыра мен қобызды қол жүгімен тасымалдау құқығы бекітіледі. Егер жолаушы тек музыкалық аспапты, мысалы, домбыраны алып жүрсе, онда тасымалдау қол жүгі ретінде тегін жүзеге асырылады», делінген Азаматтық авиация комтеті таратқан ақпаратта.

Сонымен қатар комитет музыкалық аспапты қол жүгінің қосымша бірлігі ретінде тасымалдаған жағдайда, нормадан тыс тасымалдау авиакомпаниялардың ережелеріне сәйкес төленуі тиіс екенін атап өтті.

Түзетулерді 2026 жылғы мамырдың соңына дейін қабылданады деп күтіліп отыр.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз