Anthropic $25 млрд тартуды көздейді
Негізгі инвесторлар сингапурлық тәуелсіз қор мен америкалық инвестициялық компания болады
Америкалық жасанды интеллект стартапы Anthropic компаниясы компанияның жалпы бағалауы 350 млрд доллар деңгейінде бола тұра 25 млрд доллар тартуды жоспарлап отыр, деп жазады Financial Times дереккөздерге сілтеме жасап. Бұл туралы Интерфакс-Қазақстан хабарлайды.
Былтыр қыркүйек айында стартап 183 млрд доллар бағалаумен 13 млрд доллар тартқанын мәлімдеген еді. Содан бері инвестициялық кезең өткізілмеді.
FT дереккөздерінің айтуынша, жаңа раундтың негізгі инвесторлары сингапурлық тәуелсіз GIC қоры мен америкалық Coatue инвестициялық компаниясы болады, олар әрқайсысы 1,5 млрд доллардан қаржы салмақ.
Сонымен қатар, ірі инвестицияны Sequoia Capital венчурлық қоры жасайды. Ол жаңа акционер болады. Қор 1972 жылы құрылған және Google, Apple, Cisco, YouTube сияқты көптеген жетекші технологиялық компанияларды даму кезеңінің басында қаржыландырған.
Дереккөздердің айтуынша, Microsoft Corp. және Nvidia Corp. Anthropic-қа жалпы сомасы 15 млрд долларға дейін инвестиция салуға міндеттенген. Тағы 10 млрд доллар немесе одан да көп қаражат басқа инвесторлардан, соның ішінде венчурлық қорлардан түседі.
FT желтоқсан айында дереккөздерге сілтеме жасап Anthropic ықтимал IPO-ға дайындықты жандандырып жатқанын жазған. Компанияны 2021 жылы OpenAI-дан шыққан тұлғалар құрған. Ол негізгі жасанды интеллект жүйелері мен тіл модельдерін әзірлеумен айналысады, оның флагмандық өнімі – Claude чат-боты.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
