• Басты бет
• Технологиялар
• Қазақстанда киберқауіпсіздік бойынша Ұлттық институт құрылды

Қазақстанда киберқауіпсіздік бойынша Ұлттық институт құрылды

Республика IEEE халықаралық конференциясында киберқауіпсіздік саласындағы жаңа жобаларын таныстырды

Қазақстанда ақпараттық қауіпсіздік саласындағы Ұлттық даму институты құрылды. Ол Жасанды интеллект және цифрлық даму министрлігінің Цифрлық үкіметті қолдау орталығының құрамына кіреді, деп хабарлайды Kapital.kz іскерлік ақпарат орталығы министрліктің баспасөз қызметіне сілтеме жасап.

Ведомство ақпаратына сәйкес, институттың негізгі міндеттеріне ақпараттық қауіпсіздік саласындағы мемлекеттік саясатты іске асыруға қатысу, стандарттау құжаттарын әзірлеу, ғылыми-техникалық қызмет жүргізу, жобаларға сараптама жасау, сондай-ақосы саладағы мамандарды даярлау және олардың біліктілігін арттыру жатады.

Жасанды интеллекттің, бұлттық технологиялардың қарқынды дамуы және киберқауіптердің көбеюі жағдайында деректерді қорғау мен аса маңызды инфрақұрылым қауіпсіздігін қамтамасыз етуде ғылыми тәсілдіңмаңызы артып келеді. Институт іргелі және қолданбалы зерттеулерге, заманауи киберқауіптерді модельдеуге, цифрлық криминалистикаға, шешімдердің прототиптерін әзірлеуге, киберполигондар құруға және ақпараттық қауіпсіздік саласындағы ұлттық білім қорын қалыптастыруға басымдық береді.

Жұмыстың жеке бағыты ретінде заманауи кибершабуылдардың эволюциясы мен әдіснамасын зерттеу қарастырылған: тарихи қауіпмодельдерін талдаудан бастап, жасанды интеллект, бұлттық технологияларжәне автоматтандырылған бұзу құралдарын қолдануға байланысты жаңа сценарийлерді зерттеуге дейін. Мұндай жұмыс жаңа қауіптерді болжауға және мемлекеттік ақпараттық жүйелер мен аса маңызды инфрақұрылымды қорғаудың ғылыми негізделген тәсілдерін әзірлеуге мүмкіндік береді.

Институттың алғашқы халықаралық жобаларының бірі – 2026 жылғы25–27 маусым аралығында Ыстамбұл қаласындағы Istinye University базасында өтетін 2nd IEEE International Conference in Cybersecurity, Digital Forensics and AI Applications (ICCSDFAI 2026) халықаралық конференциясын ұйымдастыру болды.

Конференцияны Цифрлық үкіметті қолдау орталығы 11 университеттен, мемлекеттік органдардан және технологиялық компаниялардан құралған халықаралық консорциумның қатысуымен ұйымдастырды.

Конференция материалдары IEEE халықаралық дерекқорында жарияланып, индекстеледі, бұл олардың әлемдік ғылыми қауымдастық арасында кең таралуына мүмкіндік береді.

Осындай деңгейдегі конференцияға қатысу Қазақстан үшін тек ғылымиемес, сонымен қатар стратегиялық маңызға ие. Ол ұлттық зерттеулерді жаһандық киберқауіпсіздік күн тәртібіне енгізіп, іс-шара аяқталғаннан кейінде жалғасатын тұрақты серіктестіктерді қалыптастыруға ықпал етеді.

«Бұл біз үшін бір реттік қатысу емес, халықаралық зерттеу алаңынатұрақты шығу мүмкіндігі. IEEE жүйесінде индекстелу қазақстандық мамандардың әзірлемелері әлемдік ғылыми базаның бір бөлігіне айналатынын білдіреді, ал 11 ұйымнан тұратын консорциум – бірлескен зерттеулер жүргізіп, тәжірибе алмасатын серіктестер желісі. Біздің мақсатымыз – Қазақстанның киберқауіпсіздік саласында дайын шешімдерді тұтынушы ғана емес, жаңа тәсілдердің тең авторы болуы», – деп атап өтті Цифрлық үкіметті қолдау орталығының бас директоры Алия Оспанова.

Серіктестер мен бірлескен ұйымдастырушылар қатарында Palo AltoNetworks, Amazon Web Services (AWS), ASELSAN, TI-Lab, FerroTechnics (Канада) және цифрлық қауіпсіздік пен инновациялар саласындағы басқа да халықаралық ұйымдар бар.

Конференция бағдарламасына халықаралық сарапшылардың қатысуымен пленарлық сессиялар, мамандандырылған воркшоптар, CTF және Hackathon технологиялық жарыстары, B2B кездесулер, технологиялық шешімдер көрмесі және кәсіби тәжірибе алмасуға арналған іс-шаралар енгізілді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз