- Басты бет
- Технологии
- Қазақстанда KEDEN мен SmartCargo ақпараттық жүйелері таныстырылды
Қазақстанда KEDEN мен SmartCargo ақпараттық жүйелері таныстырылды
Бұл шекарадағы кезек пен бюрократияны азайтады деп жоспарланып отыр
Қазақстан Президенті Қасым-Жомарт Тоқаев Алматыда өтіп жатқан GITEX AI Central Asia & Caucasus көрмесіне барды. Президенте KEDEN, SmartCargo ақпараттық жүйелері мен көлік-логистика саласындағы цифрлық жобалар көрсетілді, деп хабарлайды Kapital.kz іскерлік ақпарат орталығы.
Ақорданың хабарлауынша, KEDEN бірыңғай цифрлық платформасы кедендік бақылау үдерісін оңтайландыруға және жетілдіруге, сауда барысы мен шекарадан өтуді жеңілдетуге арналған.
Ал SmartCargo – кеден, көлік, Ішкі істер министрлігі, ауыл шаруашылығы, фармацевтикалық және сауданы реттеу сервистерін біріктіретін логистикалық қызметтердің бірегей цифрлық терезесі.
National Road Geoportal (KazMaps) мониторинг пен инфрақұрылымға арналған Қазақстан автожолдарының цифрлық картасын ұсынады.
Бұдан бөлек, Мемлекет басшысы Алматы қаласының ІТ экожүйесімен және білім беру, маман даярлау, балалар қауіпсіздігін, қоғамдық тәртіп пен жол-көлік қозғалысын бақылау секілді цифрлық шешімдермен танысты.
Сонымен қатар Президент Орталық Азиядағы балаларға арналған алғашқы ғылыми музейді аралады.
Айта кетейік, GITEX AI Central Asia & Caucasus 2026 көрмесіне 600-ден аса халықаралық компания, соның ішінде Cisco, Cloudflare, Google Cloud, Huawei, Dell, H3C Technologies, Lenovo, Trend Micro, Hikvision, HP, Noventiq, Redington, Salesforce, Vertiv және басқа да әлемдік технология көшбасшылары қатысып жатыр.
Бұған дейін Президент қорғаныс технологияларын дамытатын Defense Tech жобасымен танысқан болатын. Бұл жоба Қазақстанның Қорғаныс министрлігінің бастамасымен қолға алынған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
