• Басты бет
• Тағайындаулар
• Асламбек Мерғалиев Қазақстан Жоғарғы сотының төрағасы болып қайта тағайындалды

Асламбек Мерғалиев Қазақстан Жоғарғы сотының төрағасы болып қайта тағайындалды

Президент тиісті жарлыққа қол қойды

Мемлекет басшысының Жарлығымен Асламбек Амангелдіұлы Мерғалиев Қазақстан Республикасы Жоғарғы сотының төрағасы болып қайта тағайындалды. Бұл туралы Ақорданың баспасөз қызметіне сілтеме жасаған Kapital.kz іскерлік ақпарат орталығы хабарлады.

Асламбек Амангелдіұлы Мерғалиев 1972 жылғы 2 сәуірде Павлодар облысы Ертіс ауданының Қарақұдық ауылында дүниеге келген.

1999 жылы Стамбұл мемлекеттік университетін құқықтану мамандығы бойынша тәмамдаған.

Сот жүйесіндегі еңбек жолын 2001 жылы Павлодар облыстық сотының бас маманы қызметінен бастады.

2003-2007 жылдары Павлодар облысы Павлодар қалалық сотының судьясы болды.

2007-2008 жылдары Павлодар облысы Екібастұз қаласының мамандандырылған әкімшілік сотының төрағасы қызметін атқарды.

2008-2012 жылдары Павлодар облысы Екібастұз қалалық сотының төрағасы болды.

2012-2014 жылдары Павлодар қаласының №2 сотын басқарды.

2014 жылы Солтүстік Қазақстан облыстық сотының қылмыстық істер жөніндегі апелляциялық сот алқасының төрағасы болып тағайындалды.

2015-2020 жылдары Қостанай облыстық сотының төрағасы қызметін атқарды.

Қазақстан Республикасы Президентінің 2020 жылғы 31 желтоқсандағы Жарлығымен Ақтөбе облыстық сотының төрағасы болып тағайындалды.

Мінсіз қызметі үшін Қазақстан халқы Ассамблеясының, Қазақстан Республикасы Жоғарғы соты төрағасының және «Қазақстан Республикасы Судьялар одағы» төрағасының Құрмет грамоталарымен марапатталған.

2008 жылы Қазақстан Республикасы Судьялар одағы Орталық кеңесінің мүшесі болып сайланды.

2022 жылдың желтоқсан айында Қазақстан Республикасы Жоғарғы сотының төрағасы болып тағайындалған болатын.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз