Қазақстан колледждерінде жасанды интеллект енгізіліп жатыр
ҚР-да10 мың педагогқа ChatGPT Edu лицензиясы беріледі
Қазақстанның техникалық және кәсіптік білім беру жүйесінде оқу процесіне жасанды интеллект құралдарын енгізу жұмыстары күшейіп жатыр, деп хабарлайды Kapital.kz іскерлік ақпарат орталығы.
Қазақстан колледждерінің оқу үдерісіне ChatGPT Edu платформасын енгізу жұмыстарын жүргізіп жатыр. Халықаралық OpenAI-дың Education for Countries бағдарламасы аясында Қазақстанға бөлінген квота бойынша 10 мың педагогқа лицензия беріледі. Қазақстан бұл бастамаға қосылған Орталық Азиядағы алғашқы мемлекет болды.
Оқу-ағарту министрлігінің мәліметінше, қазіргі уақытта елдің техникалық және кәсіптік білім беру жүйесінде 763 колледжде 556 мыңға жуық студент білім алады. Оның ішінде студенттердің шамамен 70%-ы мемлекеттік білім беру тапсырысы бойынша тегін оқиды. Колледждерде кадр даярлауға 40 мыңға жуық педагог тартылған.
Жасанды интеллект құралдары педагогтарға сабақ жоспарларын әзірлеуге, тест тапсырмаларын және практикалық кейстерді жедел дайындауға мүмкіндік береді. Сонымен қатар күрделі техникалық материалдарды қазақ, орыс және ағылшын тілдеріне бейімдеуге, студенттермен кері байланысты тиімді ұйымдастыруға көмектеседі.
Сонымен қатар колледждердің білім беру бағдарламалары да жаңартылып жатыр. Оқу жоспарларына заманауи өндірістік технологияларға негізделген және WorldSkills стандарттарына бағытталған цифрлық модульдер енгізілген.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
