Жер учаскесімен операциялар онлайн форматқа өтті
Жер қатынастары саласындағы жаңа қызметтер Жылжымайтын мүлік туралы Біртұтас мемлекеттік кадастр арқылы қолжетімді
Қазақстанда жер қатынастары саласында үш қызмет автоматтандырылды. «Азаматтарға арналған үкімет» мемлекеттік корпорациясының хабарлауынша, енді онлайн режимінде жер учаскесінің мақсатты тағайындалуын өзгертуге, аренда мерзімін ұзартуға және жер учаскесін сатып алуға болады, деп хабарлайды Kapital.kz іскерлік ақпарат орталығы.
Енді мемлекеттік қызмет ретінде жер учаскесінің мақсатты тағайындалуын өзгерту онлайн форматта қолжетімді. Мысалы, егер учаске ауыл шаруашылығы мақсатында рәсімделген болса, ал меншік иесі құрылыс жүргізуді жоспарласа, жердің мақсатты тағайындалуын өзгерту туралы өтінішті қашықтан жолдауға болады.
Сонымен қатар, жер учаскесін жалға алу мерзімін ұзарту қызметі онлайн форматта қолжетімді — егер жалға алу мерзімі аяқталуға жақындаса, оны ұзарту туралы өтінішті онлайн 90 күн бұрын беруге болады.
Сонымен бірге, жер учаскесін жеке меншікте сату рәсімі цифрлық форматқа көшірілді. Жерді онлайн сатып алуға болады — бір реттік төлеммен де, бөліп төлеу арқылы да, бұл меншік құқығын рәсімдеуді жеңілдетеді.
Қызметтер «Жылжымайтын мүлік туралы Біртұтас мемлекеттік кадастр» ақпараттық жүйесі, электрондық үкімет порталы және жергілікті атқарушы органдар арқылы интеграция негізінде көрсетіледі. Бұл негізгі процестерді онлайн режимге көшіруге және олардың мәртебесін жүйеде бақылауды жеңілдетеді, деп түсіндірді мемлекеттік корпорация.
Еске салсақ, бұған дейін мерзімі өткен жүргізуші куәлігін де онлайн режимде алуға болатындығы белгілі болған еді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
