- Басты бет
- Рейтингтер
- Қытайдың бас рейтинг агенттігі Қазақстанды сенімді елдер қатарына қосты
Қытайдың бас рейтинг агенттігі Қазақстанды сенімді елдер қатарына қосты
Қытай агенттігі Қазақстанның тұрақты экономикасы мен қарызының төмендігін жоғары бағалады
Қазақстан Республикасының мемлекеттік борыштық құралдарын ҚХР нарығына орналастыру шеңберінде Қытай ұлттық рейтингтік агенттігі China Lianhe Credit Rating Co., Ltd елімізге және мемлекеттік облигацияларға «ААА» ұзақ мерзімді кредиттік рейтингін берді, деп хабарлайды Kapital.kz іскерлік ақпарат орталығы Ұлттық экономика министрлігіне сілтеме жасап,
«Агенттік елдің макроэкономикалық саясаты орнықты экономикалық өсуді қамтамасыз етуге, инфляцияны төмендетуге және экономиканы әртараптандыруға бағытталғанын атап өтті», делінген министрліктің баспасөз қызметіне таратқан ақпаратта.
Қазақстан прогрессивті реформаларды дәйекті түрде іске асыруда, соның арқасында мемлекеттік басқару тиімділігі артып келеді. Негізгі бағыттардың ішінде жаңа инвестициялық саясат, мемлекеттің экономикаға қатысуын қысқарту, ШОБ-ты нығайту, сондай-ақ агроөнеркәсіптік кешен мен инфрақұрылымды дамыту атап өтілді.
Аналитиктер де мемлекеттік борыштың салыстырмалы түрде төмен деңгейіне және сыртқы борышқа қызмет көрсетудің жоғары қабілеттілігіне баса назар аударады.
«ААА» рейтингі елдің өзінің қаржылық міндеттемелерін орындау қабілеттілігі мен қолайсыз сыртқы экономикалық жағдайларға жоғары тұрақтылығын көрсетеді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
