• Басты бет
• Тағайындаулар
• Қанатбек Жайсанбаев Қазақстан Халық Кеңесі төрағасының орынбасары болып тағайындалды

Қанатбек Жайсанбаев Қазақстан Халық Кеңесі төрағасының орынбасары болып тағайындалды

Президент оны Кеңес хатшылығының басшысы қызметіне бекітті

Мемлекет басшысының Жарлығымен Қанатбек Бақытұлы Жайсанбаев Қазақстан Халық Кеңесі төрағасының орынбасары – Қазақстан Халық Кеңесі хатшылығының басшысы болып тағайындалды. Осыған байланысты ол бұрынғы атқарған қызметінен босатылды. Бұл туралы Ақорданың баспасөз қызметіне сілтеме жасаған Kapital.kz іскерлік ақпарат орталығы хабарлады.

Қанатбек Бақытұлы Жайсанбаев 1980 жылғы 8 ақпанда Қызылорда қаласында дүниеге келген.

2000 жылы Қазақ мемлекеттік заң академиясын заңгер мамандығы бойынша тәмамдаған. Сондай-ақ 2012 жылы Т. Рысқұлов атындағы Қазақ экономикалық университетін бітіріп, экономика және бизнес бакалавры дәрежесін алған.

Еңбек жолын 2000 жылы Қазақ мемлекеттік заң академиясының Қызылорда филиалында оқытушы болып бастаған.

2001 жылдың тамыз айынан бастап Қазақстан Республикасы Жоғарғы соты жанындағы Сот әкімшілігі комитетінің Қызылорда облысы бойынша соттар әкімшісінде бас маман болып жұмыс істеді.

2001 жылдың желтоқсанында Қызылорда облысы әкімі аппаратының мемлекеттік-құқықтық жұмыс бөлімінің бас маманы, 2003 жылы осы бөлімнің меңгерушісі болып тағайындалды.

2005-2007 жылдары Қазақстан Республикасы Төтенше жағдайлар министрлігінің құқықтық қамтамасыз ету басқармасының бастығы қызметін атқарды.

2007-2008 жылдары «Kazakh Integrated Services» ЖШС мен «CNRG Capital» ЖШС-нің Астанадағы өкілдігінде заңгер болып жұмыс істеді.

2008-2016 жылдары Қызылорда облысы әкімі аппараты басшысының орынбасары, кейін аппарат басшысы болды.

2016 жылдың қазан айынан бастап Қазақстан Республикасы Президенті Әкімшілігінде мемлекеттік инспектор, кейін мемлекеттік бақылау және аумақтық-ұйымдастыру жұмысы бөлімінің меңгерушісі орынбасары қызметтерін атқарды.

2021 жылдың сәуір айында Президент Әкімшілігінің мемлекеттік бақылау және аумақтық-ұйымдастыру жұмысы бөлімінің меңгерушісі болып тағайындалды.

2022 жылдың желтоқсанында Қазақстан Республикасы Президентінің көмекшісі – Президент Әкімшілігінің өтініштерді қарауды бақылау бөлімінің меңгерушісі қызметіне тағайындалды.

2023 жылдың қыркүйегінен бастап Президент Әкімшілігінің өтініштерді қарауды бақылау бөлімінің меңгерушісі болды.

«Құрмет» (2018) және «Парасат» (2025) ордендерімен, сондай-ақ мерейтойлық медальдармен марапатталған.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз