Медеуден Шымбұлаққа дейін инженерлік желілерді тарту қарашаның соңында аяқталады
Бұл бағытта газ құбыры мен кәріз жүйесі салынып жатыр
Медеуден «Шымбұлақ» тау-шаңғы курортына дейінгі аумақта инженерлік желілерді тарту осы жылдың қараша айының соңына дейін аяқталады, деп хабарлайды Kapital.kz іскерлік ақпарат орталығы Алматы әкімдігінің баспасөз қызметіне сілтеме жасап.
«Медеу мен «Шымбұлақ» тау-шаңғы курортының арасында инженерлік желілерді салу жалғасуда. Қазір мұнда ұзындығы 5,7 шақырым болатын орташа қысымды газ құбыры мен 2,7 шақырымдық кәріз жүйесі тартылып жатыр. Жоба аяқталғаннан кейін осы жолдың бойында орналасқан нысандар толықтай инженерлік инфрақұрылыммен қамтамасыз етіледі», делінген ақпаратта.
Қазіргі уақытта құрылысшылар газ құбырының алғашқы бөліктерін құрастырып, кәріз желілерін жүргізуде және темір-бетон құдықтар орнатуда. Құрылысты 2026 жылдың қараша айының соңына дейін аяқтау көзделіп отыр.
Табиғи ландшафты барынша сақтап қалу үшін жұмыстар экологиялық талаптарға сай жүргізілуде. Әкімдік жолдың кейбір бөліктерінде қозғалыс уақытша шектелуі мүмкін, сондықтан қала тұрғындары мен қонақтарынан бағытты алдын ала жоспарлауды ескертті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
