Ақпан айындағы негізгі кадрлық ауыс-түйістер

Kapital.kz Іскерлік ақпарат орталығының тілшісі 2026 жылғы ақпан айындағы маңызды кадрлық ауыс-түйістерге шолу дайындады.

Министрліктер

2 ақпанда Бақтияр Мұхаметқалиев жасанды интеллект және цифрлық даму вице-министрі болып тағайындалды. Бұған дейін ол «Цифрлық үкіметті қолдау орталығын» басқарған.

3 ақпанда Серік Сәпиев туризм және спорт министрінің штаттан тыс кеңесшісі болып тағайындалды. Сондай-ақ ол жазғы XX Азия ойындарына дайындық жөніндегі штабтың спорт блогын үйлестіретін болады.

11 ақпанда Таласбек Қанафин ауыл шаруашылығы вице-министрі болып тағайындалды. 2020 жылғы ақпаннан бастап ол сыртқы істер министрлігінде цифрландыру департаментінің директоры болып жұмыс істеді.

12 ақпанда Айдын Ашуев энергетика министрлігі аппаратының басшысы болып тағайындалды. Бұған дейін ол ведомство басшысының кеңесшісі қызметін атқарған.

16 ақпанда Қанат Ысқақов мәдениет және ақпарат бірінші вице-министрі болып тағайындалды. 2023 жылдан бастап ол осы министрліктің вице-министрі қызметін атқарған.

Президент Әкімшілігі

2 ақпанда Әсет Ерғалиев Қазақстан Президентінің кеңесшісі болды. Ол сондай-ақ Қазақстан Республикасының Стратегиялық жоспарлау және реформалар агенттігін басқарады.

3 ақпанда Райымбек Баталов Президенттің штаттан тыс кеңесшісі болып тағайындалды. Оның құзыретіне кәсіпкерлікті дамыту мәселелері кірді.

9 ақпанда Елнұр Бейсенбаев Президент Әкімшілігінің ішкі саясат бөлімінің меңгерушісі болып тағайындалды. Бұған дейін ол Мәжіліс депутаты болған.

Прокуратура

5 ақпанда Ерлан Өтегенов Бас Прокурордың орынбасары болып тағайындалды. Бұған дейін ол Астана прокуратурасын басқарған.

5 ақпанда Нұрдәулет Сүйіндіков Бас прокуратура жанындағы Активтерді қайтару қызметін басқарды. Бұған дейін ол Активтерді қайтару комитетін басқарған.

9 ақпанда Ғабит Мұқанов Астана прокуроры болып тағайындалды. 2021 жылғы тамыздан бастап ол Шымкент прокуроры қызметін атқарған.

9 ақпанда Елдос Сағиев Шымкент прокуроры болып тағайындалды. Бұған дейін ол сотқа дейінгі тергеп-тексеру және қылмыстық қудалау заңдылығын қадағалау қызметін басқарған.

Өңірлер

16 ақпанда Ернат Байғалық Алматы облысының мемлекеттік сатып алу басқармасын басқарды. 2022 жылғы тамыздан бастап ол облыстық тексеру комиссиясының мүшесі болып жұмыс істеген.

20 ақпанда Ақмола облысы әкімдігінде кәсіпкерлік және өнеркәсіп басқармасының басшысы тағайындалды — бұл қызметке Асхат Ахмедиянов келді.

24 ақпанда Мәлік Әбдіқадыров Маңғыстау облысы әкімінің орынбасары болып тағайындалды. Бұған дейін ол облыс әкімдігі аппаратын басқарған.

Құқық қорғау органдары

5 ақпанда Арман Бейсенбаев Шымкент полиция департаменті бастығының бірінші орынбасары болып тағайындалды. 2025 жылғы маусымнан бастап ол Түркістан облысы полиция департаменті бастығының бірінші орынбасары қызметін атқарған.

9 ақпанда Самат Аисов ІІМ Тергеу департаментін басқарды. Тағайындалғанға дейін ол тергеу департаменті бастығының орынбасары қызметін атқарған.

Ақпан айындағы басқа да тағайындаулар туралы

12 ақпанда «Маңғыстауэнергомұнай» компаниясының бас директоры болып Қуанбек Биғалиев тағайындалды. Бұған дейін ол осы компанияда өндіріс жөніндегі бас директордың орынбасары қызметін атқарған.

14 ақпанда Ұлттық қорғаныс университетінің бастығы болып Бауыржан Әбжанов тағайындалды. 2022-2026 жылдары ол Қазақстан Республикасы Ұлттық ұланы Бас қолбасшысының орынбасары болған.

17 ақпанда Куаныш Оспанов STADA Eurasia вице-президенті болып тағайындалды. Ол аймақты бес жылдан астам басқарған Арминас Мацевичустың орнына келді.

25 ақпанда Барлыбай Садықов қоса атқару бойынша Қазақстанның Руандадағы Төтенше және Өкілетті Елшісі болып тағайындалды. Ол Қазақстанның Кениядағы Төтенше және Өкілетті Елшісі қызметін жалғастырады.

26 ақпанда Юрген Ригтеринк Bank RBK директорлар кеңесінің құрамына сайланды. 2025 жылға дейін ол Еуропалық қайта құру және даму банкінде жұмыс істеген.