Алматы облысының құрылыс басқармасының басшысы тағайындалды
Жасулан Оналбаев жаңа қызметке 2025 жылғы 8 желтоқсаннан бастап кіріседі
Алматы облысы әкімінің өкімімен Жасулан Чералыевич Оналбаев 2025 жылғы 8 желтоқсаннан бастап Алматы облысы құрылыс басқармасының басшысы лауазымына тағайындалды.
Жасулан Чералыевич 1988 жылы туылған, білімі жоғары, 2010 жылы Қ.И.Сәтбаев атындағы Казақ ұлттық техникалық университетін «құрылыс» мамандығы, 2016 жылы М.Х.Дулати атындағы Тараз мемлекеттік университетін «құқықтану» мамандығы бойынша бітірген.
Еңбек жолын 2010 жылы «АкТал ЭнергоСервисСтрой» ЖШС-ның бас инженері болып бастаған. Әр жылдары «СагиСтройГрупп» ЖШС директорының орынбасары, Алматы облысы Іле ауданының сәулет және қалақұрылыс бөлімінің жетекші маманы, бас маманы, КазЦИК ауылдық округінің әкімі, Ащыбұлақ ауылдық округінің жетекші маманы, округ әкімі, Алматы облысы энергетика және тұрғын үй коммуналдық шаруашылық басқармасының бөлім басшысы, басқарма басшысының орынбасары лауазымдарын атқарған.
2025 жылдың қаңтар айынан бастап Алматы облысы жолаушы көлігі және автомобиль жолдары басқармасы басшысының орынбасары лауазымында қызмет етті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
