Ақтөбе – Қандыағаш тасжолында орташа жылдамдықты бақылау жүйесі іске қосылады
Жылдамдық режимін бұзу туралы ақпарат уәкілетті органдарға автоматты түрде жіберіледі
10 шілдеден бастап «Ақтөбе – Қандыағаш» республикалық автожолының учаскесінде көлік құралдарының орташа қозғалыс жылдамдығын бақылайтын жүйе іске қосылады, деп хабарлайды Kapital.kz іскерлік ақпарат орталығы Ақтөбе облысы әкімдігінің баспасөз қызметіне сілтеме жасап.
Жылдамдық жолдың екі бақылау нүктесі арасындағы жүру уақыты негізінде автоматты түрде есептеледі. Егер көліктің орташа жылдамдығы белгіленген шектен асып кетсе, бұл туралы ақпарат уәкілетті органдарға жолданады.
«ҚазАвтоЖол» ҰК» АҚ мәліметінше, жаңа жүйе жол қозғалысы қауіпсіздігін арттыруға және жол-көлік оқиғаларының санын азайтуға бағытталған. Осыған байланысты жүргізушілер жол белгілерінің талаптарын сақтап, бүкіл бағыт бойында белгіленген жылдамдық режимін ұстануға шақырылды.
Еске салайық, республикалық маңызы бар автожолдарда орташа қозғалыс жылдамдығын автоматты кешендер арқылы бақылау жүйесі 2025 жылы енгізілген болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
