• Басты бет
• Мемлекет
• ЖСДП Құрылтайға кандидаттардың партиялық тізімін ұсыну жөніндегі құжаттарды ОСК-ге тапсырды

ЖСДП Құрылтайға кандидаттардың партиялық тізімін ұсыну жөніндегі құжаттарды ОСК-ге тапсырды

Тізімге партияның 33 мүшесі енді

Жалпыұлттық социал-демократиялық партия (ЖСДП) Мәжіліс депутаттығына кандидаттардың партиялық тізімін ұсыну үшін құжаттарын Орталық сайлау комиссиясына тапсырды, деп хабарлайды Kapital.kz іскерлік ақпарат орталығы ОСК баспасөз қызметіне сілтеме жасап.

«Қазақстан Республикасындағы сайлау туралы» Қазақстан Республикасы Конституциялық заңының 87-бабында көзделген кандидаттардың партиялық тізімдерін ұсыну рәсімі аясында ағымдағы жылдың 9 шілдесінде Қазақстан Республикасы Парламенті Мәжілісінің депутаттығына кандидаттардың партиялық тізімін ұсыну туралы «Жалпыұлттық социал-демократиялық партия» республикалық қоғамдық бірлестігінен құжаттар Орталық сайлау комиссиясына келіп түсті», – делінген ОСК хабарламасында.

Ұсынылған құжаттар Қазақстан Республикасы заңнамасының талаптарына сәйкестігі тұрғысынан Орталық сайлау комиссиясында тексеріледі.

ОСК мәліметінше, сайлау заңнамасына енгізілген өзгерістерге сәйкес, Мәжіліс депутаттығына кандидаттардың партиялық тізімдерін ұсыну құқығы заңнамада белгіленген тәртіппен тіркелген саяси партияларға тиесілі.

Сондай-ақ Мәжіліс депутаттарын сайлауды дайындау мен өткізудің негізгі іс-шараларының күнтізбелік жоспарына сәйкес, кандидаттардың партиялық тізімдерін ұсыну 2026 жылғы 13 шілде сағат 18:00-ге дейін жүзеге асырылады.

Айта кетейік, ЖСДП съезі бір күн бұрын өтті. Онда «Прогреске бастар 20 белес» атты сайлауалды бағдарламасы қабылданды. Сондай-ақ делегаттар Мәжіліс сайлауына қатысатын 33 кандидаттан тұратын партиялық тізімді бекітті.

Еске салайық, 2026 жылғы 15 наурызда өткен жалпыреспубликалық референдумда Қазақстанның жаңа Ата заңы қабылданды. Жаңартылған Ата заң 1 шілдеден бастап ресми түрде күшіне енді. Оның басты жаңалықтарының бірі – Парламенттің екі палаталы құрылымынан бас тартылып, заң шығару өкілеттігі бір палаталы Мәжіліске берілді. Жаңа жоғары өкілді орган бес жыл мерзімге сайланатын 145 депутаттан тұрады. Сонымен қатар Халық кеңесі құрылып, оның құрамына 126 адам енеді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз