- Басты бет
- Мемлекет
- Владимир Путиннің Қазақстанға мемлекеттік сапары: Астанада қандай келіссөздер өтеді
Владимир Путиннің Қазақстанға мемлекеттік сапары: Астанада қандай келіссөздер өтеді
Тараптар стратегиялық серіктестік пен Еуразиялық интеграция мәселелерін талқылайды
2026 жылғы 27-29 мамыр күндері президент Қасым-Жомарт Тоқаевтың шақыруымен Ресей Федерациясының президенті Владимир Путин Қазақстанға мемлекеттік сапармен келеді, деп хабарлайды Kapital.kz іскерлік ақпарат орталығы Ақордаға сілтеме жасап.
Келіссөздер барысында мемлекет басшылары Қазақстан мен Ресей арасындағы жан-жақты стратегиялық серіктестік пен одақтастық қатынастарды нығайтудың қазіргі жай-күйі мен болашағын талқылайды.
28 мамырда мемлекет басшыларының қатысуымен Еуразиялық экономикалық одаққа мүше елдер басшыларының Еуразиялық экономикалық форумы өтеді.
29 мамырда Жоғары Еуразиялық экономикалық кеңестің отырысы жоспарланған.
Айта кетейік, бұған дейін Ақордада Ресей сыртқы істер министрі Сергей Лавровты қабылдау барысында Қасым-Жомарт Тоқаев Владимир Путиннің алдағы мемлекеттік сапарына ерекше мән берілетінін атап өткен болатын. Президент бұл сапарды екіжақты күн тәртібіндегі негізгі оқиға ретінде бағалап, оның елдер арасындағы одақтастық қатынастарды тереңдетуде маңызды кезең болатынын айтқан еді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
