Қазақстанның 121 теміржол вокзалында құрылыс жұмыстары жүріп жатыр

Теміржол вокзалдарын қайта жаңарту және жаңғырту жөніндегі бағдарлама жалғасуда

08.04.2026 · 16:22

2025 жылы еліміз бойынша 124 нысанды кешенді жаңарту басталды. Вокзалдардың шамамен 70 пайызы 30 жылдан астам уақыт бойы күрделі жөндеусіз пайдаланылып келген, деп хабарлайды Kapital.kz іскерлік ақпарат орталығы.

Бүгінде 121 нысанда құрылыс-монтаж жұмыстары жүріп жатыр. Атап айтқанда 36 вокзалда қайта жаңарту жұмыстары аяқталды, оның ішінде 19 нысан 2025 жылы, 17 нысан 2026 жылдың бірінші тоқсанында аяқталды. Тағы 46 вокзалда жұмыстар аяқталу сатысында.

2025 жылы Жақсы, Курорт-Бурабай, Макинка, Шортанды, Ұзын-Ағаш, Шамалған, Сағыз, Мақат, Талдықорған, Ақши, Теміртау, Айса, Құшмұрын, Аманқарағай, Талап, Қазалы, Бозшакөл, Тайынша және Жаңаесіл станцияларында жұмыстар аяқталды.

«2026 жылдың бірінші тоқсанында Семиглавый Мар, Мырза, Сарышаған, Көктұма, Ағадыр, Қарағанды-Сұрыптау, Жаңақорған, Шиелі, Жетісу, Қарасор, Тобыл, Қалқаман, Доссор, Қызылжар, Саумалкөл, Жалтыр және Аққыстау станцияларында қайта жаңарту аяқталды», делінген Қазақстанның Көлік министрлігі ақпаратында.

Қалған нысандардағы жұмыстарды ағымдағы жылдың соңына дейін аяқтау жоспарланып отыр.

Жаңғырту нәтижесінде жолаушылар заманауи күту залдарына, жаңартылған навигация және ақпараттандыру жүйелеріне, сондай-ақ жетілдірілген инженерлік шешімдерге қол жеткізеді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.