Қостанай облысында жер қойнауын пайдалануға бөлінген 16 учаске қайтарылды
Оларға берілген лицензиялардың мерзімі біткен, сондай-ақ келісімшарттар мерзімінен бұрын тоқтатылған
Қостанай облысында жер қойнауын пайдалану үшін бөлінген 16 учаске мемлекетке қайтарылды. Бұл туралы «Kapital.kz» іскерлік ақпарат орталығына облыстық прокуратураның баспасөз қызметі хабарлады.
Қадағалау органы мәлімдегендей, өңірде жер учаскелерін қайтаруға қатысты шаралар қабылдамау фактілер анықталған. Бұрын жалпы таралған пайдалы қазбаларды өндіру үшін берілген 16 учаскенің лицензияларының мерзімі біткен немесе жер қойнауын пайдалану шарттары мерзімінен бұрын тоқтатылғаны анықталды. Оларда әрі қарай иелік етуге құқықтық негіз болмаса да, жер шаруашылық субъектілерінің атында тіркеулі тұрған. Бұл Қазақстан Республикасының «Жер қойнауы және жер қойнауын пайдалану» кодексінің 21 және 107-баптарының талаптарын бұзу болып саналады.
Облыстық прокуратураның қадағалау актісі бойынша құны 625 млн теңгеден астам 16 жер учаскесі мемлекет меншігіне қайтарылды.
Бұған дейін Алматының элиталық бөлігіндегі, шетелдік компанияға тиесілі құны 5,9 млрд теңге болатын жерлердің мемлекет меншігіне қайтарылғаны белгілі болған еді.
Естеріңізге сала кетейік, Жер ресурстарын басқару комитеті 2025 жылы мемлекетке 2 млн гектар пайдаланылмаған ауыл шаруашылығы жерлерін қайтаруды жоспарлап отырғанын хабарлаған еді. Соңғы екі жылда мемлекет меншігіне 12,1 млн гектар жер қайтарылған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
