Kaspi Gold енді Google Pay-да
Енді Kaspi.kz клиенттері NFC арқылы байланыссыз төлемді қолдайтын Android смартфоны, смарт-сағаты немесе өзге де құрылғылардың көмегімен сатып алған тауарлары мен қызметтерінің ақысын төлей алады
Бұл сервис әлемнің кез келген елінде қолжетімді және дүкендерде, мобильді қосымшаларда, сондай-ақ интернетте төлем жасауға мүмкіндік береді. Kaspi Gold картасын Google Pay қызметіне Kaspi.kz суперқосымшасы арқылы немесе Google Wallet көмегімен қосуға болады.
Kaspi.kz басшысы әрі негізін қалаушылардың бірі Михаил Ломтадзе бұл жаңалыққа қатысты пікір білдірді:
«Біз Kaspi.kz-тің әрбір клиенті кез келген жағдайда өзіне ыңғайлы төлем тәсілін пайдалана алғанын қалаймыз.
Kaspi QR смартфон үлгісіне қарамастан барлық клиентке қолжетімді. Kaspi Alaqan телефонсыз-ақ алақанмен төлем жасауға мүмкіндік береді. Ал енді Android құрылғыларын пайдаланатын клиенттер Kaspi Gold картасын Google Pay немесе Google Wallet қызметіне қосып, Қазақстанда да, шетелде де смартфон, смарт-сағат немесе NFC қолдайтын өзге құрылғы арқылы төлем жасай алады.
Біз сүйікті клиенттерімізге күн сайын одан да көп таңдау мен қолайлылық ұсынуға қуаныштымыз!»
Kaspi.kz қосымшасында Kaspi Gold картасын Google Pay қызметіне қосу үшін «Менің Банкім» → «Kaspi Gold» бөліміне өтіңіз. «Google Pay-ге қосу» батырмасын басып, экрандағы нұсқауларды орындаңыз.
Сондай-ақ Kaspi Gold картасын NFC қолдайтын Android құрылғысындағы Google Wallet қосымшасы арқылы дүкендерде байланыссыз төлем жасау үшін қосуға болады. Немесе Google аккаунтыңызға кірген кез келген iOS немесе Android құрылғысында GPay батырмасы арқылы интернет-дүкендерде төлем жасай аласыз.
Сервис туралы толық ақпаратты Kaspi Гидтен оқи аласыз.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
