Биржадағы доллардың орташа сараланған бағамы 486,19 теңге болды
Елорданың айырбастау пунктерінде америкалық валютаны сатудың ең жоғары бағасы – 490 теңге, Алматыда – 489 теңге
Қазақстан қор биржасындағы (KASE) 23 маусым күнгі сағат 17:00-дегі сауда-саттық қорытындысы бойынша, доллардың орташа сараланған бағамы 486,16 теңгені құрады. Ұлттық валюта 22 маусымдағы (сағат 17:00-дегі) көрсеткішпен (бір долларға 486,99 теңге) салыстырғанда 0,83 теңгеге нығайды, деп хабарлайды Kapital.kz іскерлік ақпарат орталығының тілшісі.
KASE мәліметінше, сауда-саттықтағы ең төменгі бағам бір доллар үшін 485,31 теңге, ең жоғары бағам – 487,00 теңге, ал жабылу бағамы – 486,25 теңге болды. Америкалық валютамен жасалған сауда-саттық көлемі 266 млн 612 мың долларға жетті. Валюталық операциялар бойынша 858 мәміле жасалды. Сағат 15:30-дағы доллардың орташа сараланған бағамы 486,19 теңге деңгейінде айқындалды. Kurs.kz деректері бойынша, сағат 17:13-те елорданың айырбастау пунктерінде америкалық валютаның ең жоғары сату бағасы 490 теңгені, Алматыда 489 теңгені көрсетті.
Ұлттық банктің 23 маусымға белгілеген ресми бағамы – бір долларға 487,01 теңге. Ресми бағамды анықтаудың қолданыстағы тәртібіне сәйкес, ол 24 маусымда бір доллар үшін 486,19 теңге болады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
