• Басты бет
• Тағайындаулар
• Елена Бахмутова Altyn Bank директорлар кеңесіне сайланды

Елена Бахмутова Altyn Bank директорлар кеңесіне сайланды

Ол тәуелсіз директор қызметін атқарады

Елена Леонидовна Бахмутова China Citic Bank Corporation Limited еншілес банкі – «Altyn Bank» АҚ директорлар кеңесінің мүшесі, тәуелсіз директоры болып сайланды. Банк акционерлері бұл шешімді 2026 жылғы 15 маусымда қабылдады. Бұл туралы екінші деңгейлі банктің баспасөз қызметіне сілтеме жасап Kapital.kz іскерлік ақпарат орталығы хабарлайды.

Айта кетейік, Елена Бахмутова — Қазақстан қаржыгерлері қауымдастығы кеңесінің төрағасы.

Елена Бахмутова 1962 жылғы 27 ақпанда дүниеге келген. 1983 жылы Алматы халық шаруашылығы институтын «экономист» мамандығы бойынша бітірген.

• 1984–1989 жылдары – Қазақ КСР Мемлекеттік жоспарлау комитеті жанындағы Жоспарлау және нормативтер ғылыми-зерттеу экономикалық институтының экономисі;

• 1989–1991 жылдары – Қазақ КСР Әлеуметтік қамсыздандыру министрлігінің аға экономисі;

• 1991–1992 жылдары – «Елім-Ай» киношаруашылық бірлестігінің экономисі;

• 1992–1998 жылдары – Қазақстан Республикасы Қаржы министрлігінің жетекші, бас экономисі, бөлім бастығы, Әлеуметтік сала жөніндегі департаменті бастығының орынбасары, Бюджет департаменті директорының орынбасары;

• 1998–2001 жылдары – Қазақстан Республикасы Қаржы министрлігі Бюджет департаментінің директоры;

• 2001–2002 жылдары – Қазақстан Республикасы Еңбек және халықты әлеуметтік қорғау вице-министрі;

• 2002–2004 жылдары – Қазақстан Республикасы Ұлттық Банкі Қаржылық қадағалау департаментінің директоры;

• 2004–2008 жылдары – Қазақстан Республикасы Қаржы нарығын және қаржы ұйымдарын реттеу мен қадағалау агенттігі төрағасының орынбасары;

• 2008–2011 жылдары – Қазақстан Республикасы Қаржы нарығын және қаржы ұйымдарын реттеу мен қадағалау агенттігінің төрағасы;

• 2012–2016 жылдары – «Самұрық-Қазына» АҚ басқарма төрағасының орынбасары;

• 2016 жылы – «Самұрық-Қазына» АҚ қаржы және операциялар жөніндегі басқарушы директоры;

• 2016–2018 жылдары – «Әлеуметтік медициналық сақтандыру қоры» АҚ басқарма төрағасы;

• 2018 жылдан бастап – Қазақстан қаржыгерлері қауымдастығы кеңесінің төрағасы.

Сонымен қатар ол «МЖЗҚ» ЖАҚ директорлар кеңесінің мүшесі, «Қазпошта» АҚ директорлар кеңесінің төрағасы қызметтерін атқарған.

Мемлекеттік және қоғамдық қызметтегі еңбегі үшін «Парасат» және «Құрмет» ордендерімен, «Астанаға 10 жыл», «Астанаға 20 жыл», «Қазақстан Республикасының Конституциясына 10 жыл» медальдарымен, сондай-ақ ҚР Президентінің алғысхатымен марапатталған.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз