Қазақстанда алғаш рет әкімшілік амнистия жасалады
Рақымшылық бірқатар құқық бұзушылықтарға қолданылмайды
Қазақстанда алғаш рет әкімшілік амнистия жүргізу жоспарланып отыр. Бастаманы Қасым-Жомарт Тоқаев жаңа Конституцияның қабылдануына байланысты жасады, деп хабарлайды Kapital.kz іскерлік ақпарат орталығы
Рақымшылық аясында азаматтардың орындалмаған әкімшілік айыппұлдарын толық немесе ішінара есептен шығару қарастырылып отыр. Алайда нақты қандай құқық бұзушылықтар мен тұлғаларға амнистия қолданылатыны заң жобасы аясында анықталады.
Қазіргі уақытта Ішкі істер министрлігі мен Әділет министрлігі бірлесіп, амнистияны жүзеге асыру тетіктерін әзірлеп жатыр. Құжатта айыппұлдарды есептен шығару тәртібі мен көлемі нақтыланбақ.
Алдын ала мәліметке сәйкес, рақымшылық ең қауіпті құқық бұзушылықтарға қолданылмайды. Атап айтқанда, террористік, экстремистік және сыбайлас жемқорлық қылмыстар, кәмелетке толмағандарға қарсы ауыр әрекеттер, сондай-ақ азаптау фактілері бұл тізімге кірмейді. Сонымен қатар, қайталама құқық бұзушылық жасағандар мен соттан жалтарып жүрген тұлғалар да амнистиядан тыс қалады.
Жоспар бойынша, әкімшілік амнистия туралы заң парламенттік сессияның соңына дейін қабылдануы тиіс.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
