17 наурызға арналған валюта бағамдары, мұнай мен метал бағасы

Мұнай

Дүйсенбі кешінде мұнай бағасы төмендеуін жеделдетті, трейдерлер Таяу Шығыстағы жағдайды бақылауды жалғастыруда, деп жазады Интерфакс-Қазақстан.

Лондондағы ICE Futures биржасында Brent маркалы мұнайдың мамыр айындағы фьючерстері Астана уақытымен 19:29-дегі дерек бойынша 2 долларға (1,94%) арзандап, барреліне 101,14 доллар болды.

Нью-Йорк тауар биржасында (NYMEX) WTI мұнайының сәуір айындағы фьючерстері осы уақытқа қарай 4,31 долларға (4,37%) төмендеп, барреліне 94,4 долларды құрады.

Металдар

Дүйсенбі күні алтын бағасы төмендеді, оған АҚШ пен Израильдің Иранмен жалғасып жатқан қақтығысы одан әрі әсер ете түсті, деп жазады investing.com.

Әдетте геосаяси дағдарыс кезінде «қауіпсіз актив» саналатын алтын Таяу Шығыстағы қақтығыс басталғалы бері ең әлсіз нәтижелердің бірін көрсетті. Бұған негізінен доллардың нығаюы әсер етті, себебі инвесторлар мұнай бағасының күрт өсуінен туындаған инфляциялық қысымға байланысты пайыздық мөлшерлеменің төмендеу ықтималдығын қайта бағалаған.

Спот алтын бағасы Астана уақытымен 17:57-де 0,6%-ға төмендеп, унциясына 4989,34 доллар болды, ал алтын фьючерстері 1,3%-ға арзандап, 4996,19 долларды құрады. Спот күміс бағасы 0,3%-ға төмендеп, унциясына 80,3625 доллар болды.

Криптовалюта

coinmarketcap.com дерегінше, Астана уақытымен 22:15-те bitcoin бағасы 74 340,5 доллар болды. Соңғы 24 сағатта алғашқы криптовалюта 3,8%-ға қымбаттап, капитализациясы 1,48 трлн долларға жетті.

Ethereum осы уақытта 2 360,7 долларды құрап, 10,6%-ға өсті. Оның нарықтық капитализациясы 285,19 млрд доллар болды. Жалпы криптовалюта нарығының капитализациясы – 2,55 трлн доллар.

Теңге бағамы

Қазақстан Ұлттық банкі 17 наурызға арналған шетел валюталарының теңгеге қатысты ресми бағамдарын белгіледі. АҚШ долларына қатысты теңгенің ресми бағамы 16 наурыздағы Қазақстан қор биржасындағы (KASE) екі сессия қорытындысы бойынша анықталды, ал басқа валюталар бойынша бағамдар 17 наурыз күні сағат 17:00-дегі кросс-бағамдар негізінде есептелді.

1 АҚШ доллары – 486,2 теңге

1 еуро – 557,82 теңге

1 ресей рублі – 6 теңге

1 қытай юані – 71,25 теңге

1 фунт стерлинг – 651,4 теңге

1 швейцар франкі – 623,46 теңге

1 түрік лирасы – 11,12 теңге

1 жапон иенасы – 3,08 теңге.