Үш жылда «Ұлттық қор» 7 млн балаға қаражат аударды
Қазақстандық балаға аударылған жинақтардың жалпы сомасы 2,5 млрд доллардан асты
Биыл бағдарламаға 2008-2025 жылдар аралығында туған 6 918 656 бала қатыстып, әр балаға 130,71 доллардан берілді, деп хабарлайды Kapital.kz іскерлік ақпарат орталығы.
Ұлттық қордың инвестициялық табысынан аударымдардың жалпы сомасы 900 млн доллардан асты. Биыл кәмелет жасқа толғандар үшін (356 613 адам) тұтастай 132,1 млн доллар көлемінде қаражат қарастырылып отыр.
Айта кетейік, бағдарламаның маңызды аспектісі – қаражатты капиталға айналдыру. Өткен жылдардың қорытындысы бойынша әр балаға есептелген 232,94 доллар сомасына сәйкес инвестициялық табыс 6,91 доллар мөлшерінде болды.
Нәтижесінде бағдарламаға қатысатын балаларға жоба іске қосылған сәттен бастап үш жылдағы (2024-2026 жылдар) инвестициялық кірісті ескере отырып, жинақтардың жалпы сомасы әрқайсысына 370,56 доллардан шақталды.
Бағдарлама аясында бөлінген сома жастардың өміріндегі маңызды мәселелерді шешуге көмектесіп келеді. Мәселен, қаражаттың негізгі бөлігі (26,3 миллион доллар) мақұлданған 158 774 өтінім бойынша тұрғын үй жағдайын жақсартуға бағытталды. 94 068 өтінімге сәйкес білім алуға 15,5 млн доллар жұмсалды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
