Қазақстанның қаржы саласындағы тәжірибесі халықаралық медианың назарын аударды

Қазақстандық финтех-шешімдер Еуропа мен АҚШ-тың жетекші іскерлік медиаларының тақырыбына айналды. Reuters, Associated Press, Yahoo Finance, Investing, Funds Europe, Morningstar, Dynamique Entrepreneuriale сияқты 700-ден астам халықаралық БАҚ пен жаңалықтар қызметі Freedom Bank кейстері туралы жазды.

Шетелдік журналистер банктің бірнеше цифрлық өніміне, әсіресе Freedom инвестициялық валютасына назар аударды. Бұл — кэшбэк форматы, мұнда төлемдер мен аударымдар үшін сыйақы Freedom Holding Corp. компаниясының акцияларына байланған ETN түрінде есептеледі (компания Nasdaq биржасында FRHC тикерімен листингтен өткен). Банк клиентінің әрқайсысы ETN иелене отырып, биржада бағалы қағаздың құны өскен жағдайда табыс таба алады. Басылымдардың деректеріне сүйенсек, валюта іске қосылғаннан бері FRHC акциясының бағасы екі еседен астам өскен.

Авторлардың айтуынша, бұл құрал жинақ жасауға деген ынтаны арттырып, қор нарығымен танысуға мүмкіндік береді, сондай-ақ күнделікті банк өнімдері арқылы қаржыны саналы түрде басқару мәдениетін қалыптастырады.

Freedom Bank өкілдерінің айтуынша, бұған дейін Грузия мен Жапонияның ірі банктері инвестициялық валютаға қызығушылық танытып, оны қаржы саласы үшін бірегей шешім ретінде бағалаған. Олардың пікірінше, бұл құрал банктердің өз бизнес-модельдеріне енгізілуі мүмкін. Сондықтан алдағы уақытта Freedom Bank бұл тұжырымдаманы кеңейтіп, халықаралық нарықтарға ұсынуды жоспарлап отыр.

Freedom Bank директорлар кеңесінің мүшесі Айдос Жұмағұлов былай дейді:

– Серіктестер адалдық бағдарламасы тұжырымдамасының бірегейлігін және клиенттердің белсенділігін ерекше атап өтті. Бұл шешімде жинақтау мүмкіндігі, қор нарығымен танысу және күрделі интерфейстердің болмауы секілді бірнеше артықшылық бар. Сонымен қатар Freedom SuperApp экожүйелік моделіне де жоғары баға берілді. Ол банк, лайфстайл, сақтандыру және мемлекеттік сервистерді біртұтас цифрлық кеңістікте біріктіреді.

Жарияланымдардың бөлек бір бөлімі кәсіпкерлерге арналған сервистерге жасанды интеллект енгізуге арналды. Freedom Business жүйесіндегі AI-көмекші банк операцияларын автоматтандырған: дауыс арқылы жалақы есептеу, қаражат аудару, депозиттерді басқару және басқа да әрекеттерді орындауға болады. БАҚ мәліметінше, көмекші шамамен 140 команданы атқарады, бұл қолмен атқарылатын жұмысты азайтып, уақытты үнемдеуге мүмкіндік береді.

Шетелдік медианың хабарлауынша, банк жасанды интеллектті комплаенс-ресімлерде де қолданады. Жүйе транзакцияларды талдап, деректерді салыстырып, қалыптан тыс үлгілерді анықтап, шектеулерді айналып өту әрекеттерінің алдын алады.

Жалпы алғанда, шетелдік журналистер Freedom Bank-тің цифрлық стратегиясы мен экожүйелік тәсілі Қазақстанның қаржы нарығында жаңа стандарттардың қалыптасуына ықпал етіп отырғанын атап өтеді.