БЖЗҚ Ұлттық қор – балаларға бағдарламасына қатысты мәлімдеме жасады
Балаға қаражат есептеу үшін оның деректерін мемлекеттік базаға енгізге ақы төлеу қажет пе
Бірыңғай жинақтаушы зейнетақы қоры ата-аналарға ескерту жасады – шотқа қаражат есептеу үшін балалар туралы мәліметтерді мемлекеттік базаға енгізу үшін ақы төлеудің қажеті жоқ, деп хабарлайды Kapital.kz іскерлік ақпарат орталығы қордың баспасөз қызметіне сілтеме жасап.
«Белгілі болғандай, 2024 жылдың 1 қаңтарынан бастап кәмелетке толмаған қазақстандықтарға Қазақстан Ұлттық қорының 18 жыл ішіндегі орташа инвестициялық кірісінің 50%-ы жыл сайын есептеледі. Желіде кәмелетке толмаған балалардың деректерін қаражат есептеу үшін мемлекеттік базаға енгізгенге ақылы қызметтер ұсынатын хабарландырулар пайда болып жүр. БЖЗҚ делдалдардың қажет еместігін ескертеді! Сіздер балаларыңыз туралы мәліметтердің бар-жоғын, сондай-ақ тегі, аты, әкесінің аты, ЖСН және туған күні туралы деректердің дұрыстығын egov.kz порталындағы жеке кабинетте өз беттеріңізше тексере аласыздар», – деп хабарлайды БЖЗҚ.
Егер мәліметтер жоқ болса немесе қателер болса, оларды өздеріңіз өзгерте немесе түзете аласыздар. Жеке деректерді бөгде адамдарға бермеу қажет екенін зейнетақы қоры қаперге салады.
Сұрақтарға жауап алу және ақпаратты тексеру kids.enpf.kz сайтында және БЖЗҚ мобильді қосымшасында қолжетімді.
Бұған дейін хабарланғандай, 2024 жылдың 1 ақпанынан 2025 жылдың 1 қазанына дейін «Ұлттық қор – балаларға» бағдарламасы бойынша Бірыңғай жинақтаушы зейнетақы қоры (БЖЗҚ) 22,29 млн долларға 156 956 өтініш орындады. Оның ішінде 14,14 млн долларға 98 046 өтініш тұрғын үй мәселелерін шешуге, 8,15 млн долларға 58 910 өтініш білім беру қызметтерін төлеуге орындалды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
