12 шілдеден бастап Қазақстанда шетелдік вагондарды тіркеуге шектеулер енгізіледі
Шектеулер 2031 жылға дейін қолданыста болады
2026 жылғы 12 шілдеден бастап Қазақстанда шетелдік вагондарды тіркеуге шектеулер күшіне енеді. Көлік министрлігі жылжымалы құрамды мемлекеттік тіркеу қағидаларына өзгерістер енгізді, деп хабарлайды Kapital.kz іскерлік ақпарат орталығы министрліктің баспасөз қызметіне сілтеме жасап.
Нормативтік құжат ішкі инфрақұрылымды тозған немесе моральдық тұрғыдан ескірген шетелдік техниканың шамадан тыс көбеюінен қорғауға бағытталған.
Тарту және арнайы жылжымалы құрам үшін: егер техниканың қалған пайдалану мерзімі зауыт белгілеген қызмет ету мерзімінің 60%-ынан аз болса, оны тіркеуге толық тыйым салынады. Қазақстанда өндірілмейтін бірегей жол техникасына ғана ерекшелік сақталады.
Жүк және жолаушылар вагондары үшін: тіркеуге тек жаңа вагондар (жасалған күнінен бастап пайдалану мерзімі бір жылдан аспайтын) немесе арнайы мақсаттағы тар бейінді жылжымалы құрам (хоппер-дозаторлар, қышқылдар мен өнімдерді тасымалдауға арналған цистерналар, рефрижераторлар, термос-вагондар және т.б.) ғана жіберіледі.
Шектеулер 2030 жылғы 31 желтоқсанды қоса алғанға дейін қолданылады.
Бұған дейін Қазақстанның теміржол тасымалы нарығында шетелдік жылжымалы құрамның үлесі артып келе жатқаны хабарланған болатын.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
