Алатау тұңғыш криптоқала ретінде маңызды рөл атқарады – президент
Криптоактивтер ресми мүлік деп танылады, Мемлекет басшысы жаңа қаржы жүйесін таныстырды
Мемлекет басшысы Алатау цифрлық активтерді жедел дамыту және елдің жаңа қаржы архитектурасын құрудың стратегиялық алаңына айналуға тиіс деп мәлімдеді, деп хабарлайды Kapital.kz іскерлік ақпарат орталығының тілшісі Ақордаға сілтеме жасап.
Президент Қазақстан қаржы нарығы қарқынды трансформация кезеңінде тұрғанын айтты. Оның сөзінше, елімізде жарияланған Цифрландыру және жасанды интеллект жылы финтех индустриясын дамытуға ықпал етеді.
«Бұл орайда Алатау әлемнің осы бөлігіндегі тұңғыш криптоқала ретінде маңызды рөл атқарады. Осы саланы дамыту үшін қысқа мерзімде артық кедергілерді жойып, жаңа қаржы құралдарын іске қосу қажет. Цифрлық активтердің нақты құқықтық мәртебесін бекітіп, криптоактивті мүлік ретінде тану керек. Бұл жүйеде цифрлық теңге негізгі рөл атқарады», деді Мемлекет басшысы Алатау қаласын дамыту жөніндегі кеңесте сөйлеген сөзінде.
Бұл ретте халықаралық танымал орталықтармен табысты бәсекеге түсу үшін Алатау қаласында цифрлық активтер операциясына және жергілікті юрисдикцияда капиталдың өсуіне нөлдік мөлшерлеме белгіленіп, тиісті құқықтық жағдай жасалуы қажет.
«Экономиканың нақты секторларын, соның ішінде жылжымайтын мүлікті, инфрақұрылым нысандарын, шикізат активтерін токенизациялау жобасын жүзеге асыруды жеделдеткен жөн. Бұл орнықты және сұранысқа ие цифрлық құралдар нарығын қалыптастыруға мүмкіндік береді. Осы орайда транзакцияларды цифрлық идентификациялау және ашық мониторингтеу негізінде қауіпсіздік пен инвестициялық тартымдылық теңгерімін қамтамасыз ететін бақылау жүйесін іске қосу қажет. Яғни тұтастай алғанда Отанымыздың түбегейлі жаңа әрі сапалы өркендеуі туралы сөз болып отыр. Біз елімізді қаржылық тұрғыдан дамыту және трансформациялау саласында белгілі бір деңгейде революция жасап жатырмыз», деді дейін Қасым-Жомарт Тоқаев.
Бұған дейін Қазақстан президенті Alatau City-ді қарқынды дамыту: аңнамалық жұмыстарды тездетуді тапсырған болатын. Мемлекет басшысы жаңа қаланың дамуы үшін құқықтық базаны бір жыл ішінде қалыптастыру қажет екенін айтты.
Сонымен қатар Президент қазақстандық бизнесті Алатауға ақша салуға шақырды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
