- Басты бет
- Технологиялар
- Ақтау көшелеріне робот-иттер шықты: ІІМ жаңа технологияны таныстырды
Ақтау көшелеріне робот-иттер шықты: ІІМ жаңа технологияны таныстырды
Робот-иттер терроризмге қарсы іс-шараларға қатысады
Ақтау полициясы күмәнді заттар мен өртті анықтайтын робот-иттерді іске қосты, деп хабарлайды Kapital.kz іскерлік ақпарат орталығы Қазақстанның Ішкі істер министрлігіне сілтеме жасап.
Ведомтсво мәліметінше, робот-иттер қоғамдық орындарды патрульдеуге, жедел жағдайды бақылауға және құқық бұзушылықтардың алдын алуға пайдаланылады. Заманауи бейнебақылау жүйелерімен жабдықталған кешендер нақты уақыт режимінде ақпаратты жедел басқару орталығына жеткізе алады.
«Сонымен қатар робот-иттер күмәнді заттарды анықтауға, түтін шығу және өрт белгілерін тіркеуге, сондай-ақ тиісті дабыл сигналдарын автоматты түрде төтенше қызметтерге жолдауға мүмкіндік береді», делінген хабарламада.
Сонымен қатар алдағы уақытта оларды арнайы және терроризмге қарсы іс-шараларды өткізу кезінде қолдану мүмкіндігі қарастырылуда. Қосымша жаңғырту жұмыстарынан кейін роботтар қауіпті нысандарды қашықтан тексеруге және қызметкерлердің өміріне қауіп төндірмей күмәнді заттарды жылжытуға пайдаланылмақ.
Министрлік заманауи цифрлық шешімдерді енгізу қоғамдық қауіпсіздік жүйесінің тиімділігін арттыруға, құқық бұзушылықтардың алдын алуға және ықтимал қауіп-қатерлерге жедел ден қоюға бағытталғанын атап өтті.
Сондай-ақ бұған дейін робот иттер Астана және Алматы қалаларында енгізілгенін еске салды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
