• Басты бет
• Экономика
• Қазақстан курорттарындағы қымбат бағалар жатын орындарының тапшылығымен түсіндірілді

Қазақстан курорттарындағы қымбат бағалар жатын орындарының тапшылығымен түсіндірілді

Туристік ағын ресми статистикадан бірнеше есе асып түседі

Мемлекет отандық курорттарындағы бағаны реттей ме? Бұл сұрақты журналистер Орталық коммуникациялар қызметінде өткен брифингте көтеріп, Қазақстандағы, мәселен, Балқаштағы демалыс құны шетелдік баламаларымен теңесіп қалғанын атап өтті. Туризм индустриясы комитеті төрағасының міндетін атқарушы Нұрбол Байжанов туристік өңірлердегі қызмет көрсету құны мен сапасына қатысты жағдайды түсіндірді, деп хабарлайды Kapital.kz іскерлік ақпарат орталығының тілшісі.

Оның айтуынша, курорттық өңірлердегі баға белгілеу мәселесі ең өзекті мәселелердің бірі болып қала береді, нарықта бағасы жоғары, бірақ сервис деңгейіне сәйкес келмейтін демалыс базалары көп.

«Біз бұны қалай шешеміз? Мемлекеттің пайымы — курорттық аймақтарды әрі қарай дамыту, бұл шипажай аймақтарын кеңейту, өйткені қазіргі уақытта жұмыс істеп тұрған демалыс базаларының саны жеткіліксіз, сұраныс өте жоғары», - деп атап өтті ол.

Нұрбол Байжанов кейбір демалыс аймақтарында нақты туристік ағын ресми статистикадан шамамен жеті есе асып түсетінін баса айтты.

«Сондықтан біз статистиканы қайта қарау мәселесін пысықтайтын боламыз, бұл жұмысты өткен жылдан бері Ұлттық статистика бюросымен бірлесіп жүргізіп жатырмыз. Бұл әлеуетті дәлірек бағалауға және инфрақұрылымды жоспарлауға мүмкіндік береді. Осылайша, біз туристер үшін қажетті демалыс орындарының санын қамтамасыз ете аламыз, бұл өз кезегінде демалыс базалары арасында салауатты бәсекелестік тудырады және сәйкесінше баға қазіргіден төмен болады», - Нурбол Байжанов.

Сервис сапасына тоқтала келе, ол бүгінгі таңда қазақстандық орналастыру орындарын жіктеу жүйесі ерікті түрде жүргізілетінін түсіндірді.

«Біз бұл мәселені Kazakh Tourism компаниясымен бірлесіп пысықтадық, қазір бізде орналастыру орындарын міндетті жіктеу жүйесін енгізу бойынша пайым бар. Азия даму банкінен 2024 жылы біз ЭКАБ (Алматы-Бішкек экономикалық дәлізі - Ред.) бағдарламасын жүзеге асыру аясында техникалық қолдау алдық. Орналастыру орындарын жіктеу бойынша әлемдік стандарттарға сәйкес жаңартылған тәсілдерді алдық. Бұл стандарттарды біз қазір туристік нарықпен талқылап жатырмыз, ал бізде келісілген ұстаным пайда болған кезде, жаңа жүйені енгізу мәселесін біртіндеп пысықтайтын боламыз. Менің ойымша, бұл таяу уақытта, мүмкін келесі жылы болады», - деп мәлімдеді Нұрбол Байжанов.

Туризм индустриясы комитетінің мәліметінше, 2025 жылы қонақүйлердегі ішкі туристер саны 8,6 млн адамды, шетелдіктер — 1,4 млн адамды құрады. Қазақстанға барлығы 15,7 млн шетел азаматы келді, бұл ретте олардың 11,1 млн-ы елде бір күннен астам уақыт болған. Орналастыру объектілерінің табысы 350 млрд теңгеден асты.

2026 жылғы наурызда Қазақстанда «Демалыс және мәдениет» санатындағы бағалар жылдық мәнде 13,2%-ға өсті. Бұл елдегі жалпы инфляциядан да, қызмет көрсету секторындағы бағаның өсу қарқынынан да жоғары. Егер неғұрлым ұзақ кезеңді, 2020 жылдың желтоқсанынан бастап қарастыратын болсақ, бұл санаттағы қымбаттау 88,3%-ға жетті, бұл да қызмет көрсету саласы бойынша орташа көрсеткіштерден асып түседі.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз