Тоқаев Түркі мемлекеттеріне ғарышты бірлесе игеруді ұсынды
Бұл технологиялық дербестігімізді нығайтып, инновациялық әлеуетімізді арттыруға мүмкіндік беретінін атап өтті
Мемлекет басшысы Қасым-Жомарт Тоқаев Түркістанда өтіп жатқан Түркі мемлекеттері ұйымының бейресми саммитінде бірқатар ұсыныс айтты, деп хабарлайды Kapital.kz іскерлік ақпарат орталығы Ақордаға сілтеме жасап.
Президент алдымен сауда-экономика саласы бойынша ұйымға мүше елдер арасында электрондық құжаттар мен цифрлық қолтаңбаны өзара тануға қатысты жұмысты бірлесе жүргізген жөн екенін атп өтті. Сонымен қатар ғарыш саласындағы ынтымақтастықты арттыруды ұсынды.
«Ғарыш саласы – түркі мемлекеттерінің бәсекеге қабілетін арттыруға ықпал ететін негізгі фактордың бірі. Бұл бағытты жүйелі түрде дамыту үшін елдеріміздің ғылыми, технологиялық және қаржылық әлеуеті жеткілікті. Әсіресе, спутник байланысы, навигация және мониторинг саласында бірлескен жобаларды жүзеге асырып, ықпалдастығымызды кеңейте түсу қажет», деді Қазақстан басшысы.
Оның сөзінше, сол арқылы түркі мемлекеттеріне технологиялық дербестігін нығайтып, инновациялық әлеуетін арттыруға мүмкіндік туады. Президент сөз сөзіне мысалы ретінде«CubeSat-12U» ғылыми спутнигін іске қосудың маңыздылығын атап өтті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
