Қазақстанда жол битумын өндіру көлемі 1,5 есе артты
Отандық битум нарық қажеттілігін толық жаба бастады
Қазақстан автомобиль жолдарын салу мен жөндеуге қажетті жол битумына деген ішкі сұранысты толық қамтамасыз етті, деп хабарлайды Kapital.kz іскерлік ақпарат орталығы Энергетика министрлігіне сілтеме жасап.
Ведомство бұл нәтижені Caspi Bitum зауытының қуатын кеңейту жобасын іске асырумен байланыстырады, бүгінде мұнай өңдеу көлемі жылына 1 млн тоннадан 1,5 млн тоннаға дейін ұлғайтылды.
«Нәтижесінде жол битумын өндіру көлемі жылына 500 мың тоннадан 750 мың тоннаға дейін артты. Жоба Энергетика министрлігі жүзеге асырып жатқан мұнай өңдеу саласын дамытудың тұжырымдамасы аясында орындалған алғашқы іс-шара болды», деді министрлікте.
Қазіргі уақытта елімізде жалпы қуаты жылына 1,6 млн тоннаны құрайтын 4 зауыт жұмыс істейді. Көлік министрлігі мен ҚазАвтоЖол мәліметінше, 2026 жылы ішкі нарықтың қажеттілігі шамамен 1,1 млн тоннаны құрайды.
«Осылайша, қолданыстағы өндірістік қуаттар Қазақстанның жол битумына деген ішкі сұранысын толық қамтамасыз етеді», деп қосты Энергетика министрлігі.
Сонымен қатар Caspi Bitum зауыты жол-құрылыс компанияларынан өтінімдер болған жағдайда битумды жеткілікті көлемде өндіруге дайын екенін атап өтті.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
