Қостанай облысында шиналарды қайта өңдеу зауыты іске қосылды
Кәсіпорын «жасыл» экономиканы дамытуға бағытталған
Рудныйда пайдаланылған автомобиль шиналарын қайта өңдеу зауыты іске қосылды, деп хабарлайды Kapital.kz іскерлік ақпарат орталығы.
Жобаға «Жасыл даму» АҚ қолдау көрсеткен, кәсіпорын еліміздегі экологиялық инфрақұрылымды дамытуға бағытталған маңызды бастамалардың бірі болып саналады.
Жобаның жалпы құны 354,5 млн теңгені құрайды. Қаржыландыру кәдеге жарату алымы қаражаты есебінен қамтамасыз етілді. Кәсіпорын пайдаланылған шиналарды қайта өңдеу арқылы қалдықтарды тиімді басқару жүйесін дамытуға үлес қосады.
Сонымен қатар қоршаған ортаға түсетін жүктемені азайтуға, қалдықтарды қайта өңдеу үлесін арттыруға және өңірдегі экологиялық жағдайды жақсартуға мүмкіндік береді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
