Қазақстанның астық экспорты 8,9 млн тоннаға жетті
Негізгі нарықтарда өсім байқалады
2025 жылғы қыркүйек пен 2026 жылғы наурыз аралығында Қазақстаннан астық пен ұн экспорты астық баламасында 8,9 млн тоннаны құрады. Бұл өткен жылдың осы кезеңімен салыстырғанда 1 млн тоннаға артық, деп хабарлайды Kapital.kz іскерлік ақпарат орталығы АШМ-ге сілтеме жасап.
Экспорт географиясында негізгі бағыттар бойынша тұрақты өсім тіркелді. Ең ірі нарықтардың бірі – Өзбекстан. Бұл елге жеткізілімдер 14%-ға артып, 7,5 млн тоннаға жетті.
Сонымен қатар, Қырғызстан бағыты бойынша экспорт 1,8 есеге өсіп, 354 мың тоннаны құрады. Ауғанстан нарығына жеткізілім 24%-ға ұлғайып, 1,3 млн тоннаға жетті. Ал Түрікменстан бағыты бойынша өсім 1,5 есені құрап, экспорт көлемі 145 мың тоннаға дейін артты.
Министрлік экспорт көлемінің артуы сыртқы нарықтарда қазақстандық астық өнімдеріне сұраныстың жоғары екенін көрсететінін атап өтті. Сонымен қатар, бұл логистика мен жеткізу тізбегін дамыту бағытында қабылданған шаралардың нәтижесін аңғартады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
