Қазақстан агродрондарды реттеу тетіктерін қарастырып жатыр
Дрондар су мен пест пестицид шығынын қалай азайтуға көмектеседі
Астана қаласында өткен AgriTek халықаралық көрмесі аясында ауыл шаруашылығында агродрондарды дамыту және оларды мемлекеттік реттеу мәселелері талқыланды, деп хабарлайды Kapital.kz іскерлік ақпарат орталығы.
Көрменің панельдік сессиясының бірі «Агродрондар: ауыл шаруашылығының болашағы және мемлекеттік реттеу» тақырыбына арналды.
Талқылау барысында қатысушылар ауыл шаруашылығында ұшқышсыз әуе аппараттарын қолданудың қолданыстағы құқықтық реттелуін, өндірістік процестерде агродрондарды пайдалану тәжірибесін және аграрлық секторға инновациялық технологияларды енгізуді қолдау тетіктерін қарастырды.
Сарапшылар агродрондарды қауіпсіз пайдалану, салалық инфрақұрылымды дамыту және нарық қатысушылары үшін ашық әрі түсінікті жұмыс қағидаларын қалыптастыру қажеттігін атап өтті.
Панельдік сессия қатысушыларының пікірінше, агродрон технологиялары ауыл шаруашылығы өндірісінің тиімділігін арттыруға мүмкіндік береді. Олар су мен өсімдіктерді қорғау құралдарының шығынын азайтып, егіс алқаптарын өңдеу дәлдігін арттыруға, сондай-ақ дәстүрлі техника қолдану қиын болатын аумақтарда жұмыстар жүргізуге көмектеседі.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
