Қазақстанда өндірілген тауарлар Жапониядағы көрмеде ұсынылды
Әсіресе жапондар қазақстандық омарташылардың өнімін жоғары бағалады
Қазақстандық өндірушілер Токиодағы FOODEX JAPAN 2026 көрмесінде он түрлі өнімді апарды, деп хабарлайды Kapital.kz іскерлік ақпарат орталығы.
Көрмеге қойылған өнімдер «Бір ауыл-бір өнім» жобасы аясында өндірілген. Олардың ішінде күнбағыс және беде балы, жантақ балы, балқарағай майы, иван шайы, жантақ шайы, балқарағай ұны, түйе сүті ұнтағы және қарағай эфир майы бар.
Қазақстан бұл көрмеге екінші жыл қатысып, отандық өнімдерін таныстырды. Көрменің алғашқы күнінде Қазақстанның ұлттық стенді келушілер мен кәсіби сатып алушылардың назарын аударды. Атап айтқанда қазақстандық бал ерекше қызығушылық тудырды. Оның жоғары сапасын Жапон ара өсірушілер қауымдастығы атап өтті.
FOODEX JAPAN 2026 халықаралық азық-түлік көрмесі биыл 51-рет өткізілді. Ұйымдастырушылардың айтуынша, былтыр көрмеге әлемнің 74 елі мен аймағынан 2930 компания қатысып, кәсіби келушілер саны 72 мыңнан асқан.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
