Атырау мұнай өңдеу зауыты баяу кокстау қондырғысында жоспарлы жұмыстарға кірісті
Жұмыс шамамен 10 күнге созылады және жеңіл мұнай өнімдерін өндіруге әсер етпейді
Атырау мұнай өңдеу зауыты баяу кокстау қондырғысында жоспарлы жұмыстарға кірісті, деп хабарлайды Kapital.kz іскерлік ақпарат орталығы «ҚазМұнайГаз» АҚ баспасөз қызметіне сілтеме жасап.
«"Атырау мұнай өңдеу зауыты" ЖШС-де 2026 жылғы 11 наурыз бастап баяу кокстау қондырғысында жоспарлы алдын алу жұмыстары жүргізілетін болады. Технологиялық шаралар шамамен 10 күнге есептелген және пештің өнімдік орамасын бумен тазалауды қамтиды. Бұл шара құбырлардың ішкі беттерін кокс қалдықтарынан тазалаудың регламенттелген рәсімі аясында, СТ РК 3517-2020 ұлттық стандарт талаптарына сәйкес жүзеге асырылады және жыл сайын Қазақстан Республикасы Энергетика министрлігінің бекітуімен қабылданған мұнай өңдеу зауыттарының жоспарлы кестесіне енгізіледі», – деп хабарлады «ҚазМұнайГаз» АҚ баспасөз қызметі.
Жоспарлы жұмыстар қондырғыда жеңіл мұнай өнімдерін өндіру жоспарына әсер етпейтіні атап өтілді. Осы кезеңде зауыт бензинді күніне 3,5 мың тонн, дизель отынын 4,5 мың тонн, авиаотынды 0,6 мың тонн деңгейінде өндіруді жалғастырады.
Жұмыстар басталған кезде Қазақстанның мұнай өнімдері нарығында тұрақтылық сақталады. Қазіргі уақытта өңірлерде бензин мен дизель отынының – 40 күндік, ал авиаотын 70 күндік тұтыну көлемінде қорлары бар, деп хабарлады «ҚазМұнайГаз» АҚ.
Анықтама үшін: баяу кокстау қондырғысын пайдалану кезінде жоғары температура әсерінен пештің орамасы жартылай термиялық крекинг реакциялары нәтижесінде коксқа толады. Өнімдік орамасын бу-ауа арқылы тазалау – қондырғыны пайдалану процесінің ажырамас бөлігі және технологиялық жабдықтың сенімділігін сақтау мен күтпеген жағдайлардың алдын алу үшін жоспарлы операциялық шара болып табылады.
Естеріңізге сала кетейік, Ұлттық жекешелендіру кеңсесі Атырау мұнай өңдеу зауыты мен мен Павлодар мұнай-химия зауытын жекешелендіру нысандары тізіміне енгізген болатын.
Энергетика министрі Ерлан Ақкенженов Атырау мұнай өңдеу зауыты мен Павлодар мұнай-химия зауытының төмен бағаға сатылатыны жөніндегі қауесетті жоққа шығарды.
Министрліктің хабарлауынша, елде мұнай өңдеуді жылына 30 млн тоннаға дейін арттыру жоспарлануда.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
