ҚазАгроҚаржы шаруалардың өсімпұлдарын есептен шығарады
Акция 2026 жылдың 1 наурызына дейін жалғасады
«ҚазАгроҚаржы» АҚ 2025 жылғы 24 қарашада бастап, 2026 жылғы 1 наурызға дейін сыйақы мөлшерлемесінің субсидияланатын бөлігін уақытылы алмауы салдарынан қарыз алушыларға есептелген айыппұлдар мен өсімпұлдарды есептен шығару бойынша акция өткізіледі, деп хабарлайды Kapital.kz іскерлік ақпарат орталығының тілшісі Ауыл шаруашылығы министрлігінің баспасөз қызметіне сілтеме жасап.
«Бастама шаруалардың субсидияларды төлеудегі кідірістерге байланысты туындаған мерзімі өткен борыштық жүктемесін азайтуға бағытталған. Шара бұрыннан жинақталған мерзімі өткен берекешекке де, акция кезеңінде туындаған берешекке де қолданылады. Акцияға қатысу үшін қарыз алушылар мерзімі өткен сыйақы сомасын, субсидияланатын бөлігін қоса алғанда, сондай-ақ мерзімі өткен негізгі борышты толығымен өтеуі тиіс», деп түсіндірді компанияда.
Аграрийлер «ҚазАгроҚаржы» АҚ филиалдарына өтініш берулері қажет. Бұған дейін қазақстандық аграрийлер алдындағы субсидиялар бойынша берешек 170 млрд теңгеден асқаны хабарланған болатын. Сенатта мемлекеттің фермерлер алдындағы жүйелі борыштық қарызы туралы айтылған болатын.
«Елде субсидиялар бойынша көпжылдық созылмалы берешек қалыптасқан, әсіресе ол астық егетін өңірлерде айтарлықтай өзекті. Мәселен, ағымдағы жылдың 1 қазанына Ақмола, Қостанай және Солтүстік Қазақстан облыстары бойынша субсидияларға қатысты қарыз 170 млрд теңгеден асып кетті», - деп мәлімдеді Сергей Карплюк сенаттың жалпы отырысында.
Ауыл шаруашылығы министрі Айдарбек Сапаров фермерлер алдындағы барлық берешек өтелетініне сендірді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
