Stellantis жаңа көліктер мен технологияларға 70 млрд еуро инвестиция құяды
Компания 60 жаңа модель шығарып, электромобильдер мен негізгі брендтерге инвестицияны күшейтеді
Fiat Chrysler мен PSA Group бірігуі нәтижесінде құрылған Stellantis NV 2030 жылға дейінгі құны 70 млрд еуроны құрайтын бизнес-жоспарын таныстырды, деп жазады Интерфакс-Қазақстан.
Жоспар аясында іштен жанатын қозғалтқышы бар көліктерден бастап электромобильдерге дейінгі 60 жаңа модель шығару, технологияларға инвестиция салу, басқа компаниялармен бірлескен кәсіпорындар құру және өндірістік қуаттарды тиімді пайдалану көзделген, деп хабарлайды Reuters агенттігі.
Stellantis сондай-ақ өзінің ауқымды брендтік портфелін басқару тәсілін қайта қарауды жоспарлап отыр. Инвестициялардың 70%-ы Jeep, Ram, Peugeot және Fiat брендтеріне, сондай-ақ Pro One коммерциялық көліктер бөлімшесіне бағытталмақ.
Әлемнің 30-дан астам елінде орналасқан Stellantis зауыттары Alfa Romeo, Chrysler, Citroen, Dodge, Maserati және Vauxhall секілді 14 брендтің автокөліктерін шығарады.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
