Alatau City инвестициялық портфелі 2 трлн теңгеден асты
Жаңа қалада 50 мыңға дейін жұмыс орны ашылуы мүмкін
Alatau City Authority жаңа қалада жалпы инвестиция көлемі 2 трлн теңгеден асатын және мың жаңа жұмыс орнын ашуға мүмкіндік беретін жобалар жиынтығы бар ірі инвестициялық портфель қалыптасып жатыр. Бұл туралы баспасөз мәслихатында Alatau City Authority мемлекеттік қорының өкілі Әлішер Абдықадыров мәлімдеді, деп хабарлайды Kapital.kz іскерлік ақпарат орталығының тілшісі.
«Алатау қаласы бойынша инвестициялық жобалар пулын қалыптастыру бойынша белсенді жұмыс жүргізіп жатырмыз. Бүгінде жалпы инвестиция көлемі 2 трлн теңгеден асатын 53 нақты инвестициялық жоба бар. Бұл жобалар 50 мыңнан астам жұмыс орнын құруды көздейді», — деді ол.
Оның айтуынша, қосымша тағы 10-ға жуық әлеуетті инвестормен келіссөздер жүріп жатыр. Бұл қаладағы инвестициялық портфельдің одан әрі кеңеюіне мүмкіндік береді.
Айта кетейік, бұған дейін Alatau City үшін реттеуші «құмсалғыш» функцияларын енгізу қарастырылатыны хабарланған болатын. Қала жаңа экономикалық және технологиялық шешімдерді сынақтан өткізетін алаң ретінде қарастырылып отыр.
Еске салайық, биыл президент Қасым-Жомарт Тоқаев Алатау қаласының арнайы құқықтық режимі туралы Конституциялық заң-ға қол қойған еді.
2028 жылға дейін Алатауда 365,1 млрд теңгеге инфрақұрылымдық жобалар іске асырылмақ. Бұған қоса, қала бойынша 44 инвестициялық жоба (1,8 трлн теңге) қалыптасқан.
Сонымен қатар 19 мамырда қалада алғашқы аэротакси eVTOL сынақ ұшуы өткізілді. Әуе көлігі қызметін 2029 жылы іске қосу жоспарланған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
