ICBC оныншы жыл қатарынан бренд құны бойынша көшбасшылықты сақтап отыр

Әлемдік банктер арасында бренд құны бойынша көшбасшылықты Қытайдың төрт банкі сақтап отыр, делінген Brand Finance Banking 500-дің 2026 жылға арналған жыл сайынғы есебінде. Бірінші орында оныншы жыл қатарынан Industrial & Commercial Bank of China (ICBC) тұр, оның бренд құны бір жыл ішінде 14,9%-ға өсіп, 90,9 млрд долларға жетті. Одан кейін China Construction Bank орналасқан (-1,5%, 77,2 млрд доллар). Үшінші орынға биыл Bank of China шықты (+10,9%, 70,8 млрд доллар), ол Agricultural Bank of China банкін басып озды (-10,6%, 62,8 млрд доллар), деп жазады Интерфакс-Қазақстан.

Бесінші орыннан тоғызыншы орынға дейін банк саласының америкалық өкілдері орналасқан: Bank of America (+5,7%, 47,6 млрд доллар), Chase (+1,4%, 44,8 млрд доллар), Wells Fargo (+10,3%, 39,8 млрд доллар), JP Morgan (+12,1%, 36,3 млрд доллар) және Citi (өзгеріссіз, 35,7 млрд доллар).

Оныншы орынға он бірінші орын болған британдық HSBC көтерілді (+21,2%, 33,7 млрд доллар).

Өткен жылы он екінші орында болған америкалық Capital One биыл он бірінші орынға, ал испандық Santander он төртінші орыннан он екінші орынға көтерілді. Сонымен қатар, China Merchants Bank үздік ондықтан шығып, қазір он үшінші орында тұр.

Биыл топ-500 банктің брендтерінің жиынтық құны 1,8 трлн долларға жетті, ал бір жыл бұрын бұл көрсеткіш 1,6 трлн доллар болған. Көрсеткіш қатарынан бесінші жыл өсім көрсетіп отыр.

Рейтингке 70 қытайлық банк енді, олардың үлесіне брендтердің жиынтық құнының 26,9%-ы тиесілі. 69 америкалық банкке жалпы көрсеткіштің 21,8%-ы, 27 жапон банкіне – 3,1%, 19 үндістандық банкіне – 2,7%, 18 британ банкіне 5,7% тиесілі.

Жапониядағы ең қымбат банк бренді – MUFG (23-орын), Францияда – BNP Paribas (20-орын), Италияда – Intesa Sanpaolo (30-орын), Германияда – Deutsche Bank (58-орын).

Есепте атап өтілгендей, цифрлық технологияларды қолданатын банктер рейтингте жоғарылай беруде. Мысалы, британдық Revolut брендінің құны 239%-ға өсіп, 6,6 млрд долларға жетті. Өткен жылы ол тоғыз есеге артқан болатын. Қазір банк 144-орыннан 67-орынға көтерілді.