• Басты бет
• Мемлекет
• Қоғамдық орындарда бетін тұмшалап жүрген 1,1 мыңнан астам адам жауапкершілікке тартылды

Қоғамдық орындарда бетін тұмшалап жүрген 1,1 мыңнан астам адам жауапкершілікке тартылды

Қазақстанда қандай жағдайларда бетті жабуға рұқсат етілген

Қазақстанда қоғамдық орындарда бет-әлпетті тануға кедергі келтіретін киім заттарын киюге тыйым салынған, деп еске салды ішкі істер министрлігі. Бұл шектеуді бұзғаны үшін елде 1,1 мыңнан астам азамат жауапкершілікке тартылды, деп хабарлайды Polisia.kz.

Бұл норма «Құқық бұзушылықтардың профилактикасы туралы» Заңның 75-бабының 3-тармағында қарастырылған. Адамды визуалды тануға кедергі келтіретін дәрежеде бетті жабатын киім заттарын кию бұзушылық деп танылады.

Тыйым салу ауа райы жағдайларына және медициналық көрсеткіштерге байланысты жағдайларға қолданылмайды. Сондай-ақ қызметтік міндеттерді атқару қажеттілігі және спорттық және мәдени іс-шараларға қатысу ерекшелік болып табылады.

Жауапкершілік Әкімшілік құқық бұзушылық туралы кодекстің 434-3-бабымен белгіленген. Жекелей алғанда, бірінші рет бұзғаны үшін ескерту қарастырылған. Бір жыл ішінде қайталап бұзу 10 айлық есептік көрсеткіш мөлшерінде айыппұл салуға әкеп соғады.

«Қазіргі уақытта аталған құқық бұзушылық үшін 1179 азамат әкімшілік жауапкершілікке тартылды. Тыйым салу тек қоғамдық қауіпсіздікті қамтамасыз етуге бағытталғанын және бетті жасыратын кез келген киім заттарына қатысты қолданылатынын баса айтамыз. Ішкі істер органдары заң мен тәртіпті қамтамасыз етуді жалғастыруда және азаматтарды қоғамдық орындарда болудың белгіленген ережелерін сақтауға шақырады», - деп атап өтті ІІМ.

Бұған дейін Қазақстанның Бас прокуратурасы әлеуметтік желілерде блогердің Наурыз мерамын тойлауға қарсы айтқан пікірінің таралуына қатысты түсініктеме берген болатын. Құқық қорғау ведомствосында мұндай мәлімдемелер ұлттық дәстүрлерді жоққа шығарады және қоғамда араздықтың қоздырылуына әкеледі деп мәлімдеді.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз