ҚДБ дивиденд төлеуге 55,7 млрд теңгеден астам қаржы бағыттады
Бір жай акцияға шаққандағы дивиденд 26 мың теңгеден асты
«Қазақстанның Даму Банкі» АҚ («Бәйтерек» холдингінің еншілес құрылымы) 2025 жылға арналған жай акциялар бойынша жалғыз акционерге дивидендтер төлеу рәсімінің аяқталғаны туралы хабарлады.
Банк 2025 жылға арналған жалпы сомасы 55,7 миллиард теңгеден асатын дивидендтерді жалғыз акционерге толық көлемде төледі. Бір жай акцияға шаққандағы төлем мөлшері 26 313,38 теңгені құрады.
ҚДБ бұл нәтиже несие қоржынының сапасын арттыру, активтерді әртараптандыру және бүгінгі таңда 0,49%-ды құрайтын жұмыс істемейтін қарыздардың (NPL) үлесін барынша азайту бойынша жүйелі жұмыстың арқасында мүмкін болғанын көрсетті.
Акционер алдындағы жоспарлы міндеттемелердің орындалуы ҚДБ-ның қаржылық тұрғыдан орнықты даму институты мәртебесін сақтап қалғанын растайды.
«Дивидендтер төлеу – бұл банктің салмақты несие саясатының нәтижесі. Біз шикізаттық емес сектордағы перспективалы және экономикалық тұрғыдан негізделген жобаларды қаржыландыруға бағытталғанбыз. Ағымдағы көрсеткіштер тәуекелдердің қатаң бақылауда екенін, ал банктің өзі өз міндетін тиімді орындап жатқанын растайды – елдің ірі өнеркәсібі мен инфрақұрылымын ұзақ мерзімді несиелендірудің орнықты көзі болып қала отырып, Қазақстан экономикасын жаңғыртуға ықпал етеді», – деп атап өтті «ҚДБ» АҚ басқарма төрағасы Марат Елібаев.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
