Ақтаудағы «Ақбота» саябағы 2,5 млрд теңгеге жаңартылады
Жоба Маңғыстау облысының әкіміне таныстырылды
Ақтауда 4А шағын ауданындағы «Ақбота» саябағын ауқымды қайта құру жұмыстары басталады. Ауданы 107 мың шаршы метрден асатын аумақты кешенді абаттандыру жобасы Маңғыстау облысының әкімі Нұрдәулет Қилыбайға таныстырылды. Қоғамдық кеңістікті модернизациялау NCOC компаниясының демеушілік қаражаты есебінен қаржыландырылды, деп хабарлайды Kapital.kz іскерлік ақпарат орталығының тілшісі әкімдіктің баспасөз қызметіне сілтеме жасап.
Жобаға салынған инвестицияның жалпы көлемі 2,5 млрд теңгені құрайды.
«Ақбота» саябағы қала тұрғындары үшін ыңғайлы демалыс орнына айналуы тиіс. Сондықтан абаттандыру, көгалдандыру және қауісіздік мәселелері жоғары деңгейде іске асырылуы керек. Бұл аумақ тұрғындардың жайлы демалысы үшін заманауи қоғамдық кеңістікке айналуы тиіс», - деп атап өтті өңір басшысы.
Бүгінгі таңда жобалау-сметалық құжаттама дайындалып, мемлекеттік сараптаманың оң қорытындысы алынды. Конкурс рәсімдері аяқталды. Қазіргі уақытта «Оңдасын Строй» ЖШС мердігер ұйымымен шартқа қол қою жұмыстары жүргізілуде. Құжатқа сәйкес, жаяу жүргіншілер жолдарын жаңарту, тұрақ аймақтарын ұйымдастыру жоспарланып отыр.
Саябақта серуендеу аллеялары, демалыс аймақтары, көлеңкелі қалқалар, балалар және спорт алаңдары, скейт-парк, интерактивті аймақтар мен құрғақ субұрқақ пайда болады.
Жобада көгалдандыруға ерекше көңіл бөлінеді, саябаққа өңірдің климатына бейімделген ағаштар мен бұталар отырғызылады. Аумақты жыл бойы пайдалану қарастырылған: қыста мұнда мұз айдыны мен қар сырғанақтарын ұйымдастыру жоспарланған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
