Ертіс өзенінің экожүйесі үшін Шүлбі су қоймасынан 6,4 млрд текше метр су жіберілді
Жайылма алқаптарын суландыру жұмыстары жалғасып жатыр
Ертіс өзенінің экожүйесін қолдау мақсатында Шүлбі су қоймасынан 6,4 млрд текше метрден астам су жіберілді, деп хабарлайды Kapital.kz іскерлік ақпарат орталығы Су ресурстары және ирригация министрлігінің баспасөз қызметіне сілтеме жасап.
«Су ресурстары және ирригация министрлігі Абай облысындағы Шүлбі су қоймасынан табиғатты қорғау мақсатындағы су жіберу жұмыстарын аяқтады. Бұл шара Ертіс өзені бассейнінің экожүйесін сақтау мен қолдауға бағытталған. 27 тәулікке созылған су жіберу кезеңінің қорытындысы бойынша су қоймасынан 6,4 млрд текше метрден астам су ағызылды. Оның ішінде ең жоғары көлемі 8 тәулік бойы жіберілді. Оның көлемі – секундына 3400-3500 текше метр», делінген ақпаратта.
Ведомство мәліметінше, қазір Павлодар облысында Ертіс өзенінің жайылма алқаптарын суландыру жұмыстары жалғасып жатқанын атап өтті. Бүгінде суландырылған аумақ көлемі 257,2 мың гектарға жетіп, жалпы жоспарланған аумақтың шамамен 76 пайызын құрады.
«Шүлбі су қоймасынан табиғатты қорғау мақсатында су жіберу жұмыстары жыл сайын жүргізіледі. Бұл балықтардың уылдырық шашуына қолайлы жағдай жасауға, жайылма алқаптарды суландыруға және Павлодар облысындағы ауыл шаруашылығының мал азығы қорын сақтауға мүмкіндік береді», - деді Ертіс бассейндік су инспекциясының басшысы Медет Жәдігерұлы.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
